اب زارا کے جانے سے بھی فرق نہیں پڑتا ۔۔ اسماء عباس نئی بہو کے گُن گانے لگیں! ویڈیو میں کیا کچھ کہہ دیا؟

اسماء عباس ایک تجربہ کار پاکستانی ٹی وی اداکار ہیں جو ہٹ پاکستانی ڈرامہ سیریلز میں اپنی بہترین اداکاری کی وجہ سے جانی جاتی ہیں۔ اسماء عباس کو حال ہی میں من جوگی اور بے بی باجی کی بہوؤں میں سراہا گیا تھا۔

اسماء عباس نے حال ہی میں اپنے بیٹے احمد عباس کی شادی کی ہے، جس کی تصویریں اور ویڈیوز سوشل میڈیا پر خوب وائرل بھی ہوئی تھیں۔

اور اب سینیئر اداکارہ نے اپنی نئی یوٹیوب ویڈیو شیئر کی ہے جس میں وہ اپنی بہو ثمین کے بارے میں بات کرتی نظر آرہی ہیں۔

اپنی بہو کے حوالے سے بات کرتے ہوئے اسماء عباس نے کہا کہ، ہم اس کے ساتھ بہت خوش ہیں، وہ ہمارے گھر کی رونق بن گئی ہے۔ مجھے گھر میں اس کی موجودگی پسند ہے، ہم اس سے پیار کرتے ہیں اور وہ ہماری محبت کا گرمجوشی سے جواب دیتی ہے۔ ہم ایک دوسرے کے ساتھ وقت گزارتے ہیں، اور وہ ہماری محبت اور گرمجوشی کو تسلیم کرتی ہے اور اس کی تعریف کرتی ہے۔

انہوں نے مزید کہا کہ، سچ میں مجھے بلکل ایسا محسوس نہیں ہوتا کہ وہ کوئی باہر کی ہے۔ وہ بالکل میری بیٹی زارا کی طرح ہے اور اس کے آنے سے مجھے اپنی زندگی میں کوئی تبدیلی محسوس نہیں ہوئی۔ زارا جلد اپنے گھر چلی جائے گی، مگر اب میں اسکے جانے سے اداس نہیں ہوں کیونکہ میری بہو میرے ساتھ ہے۔