میں سڑک پر ہوں مگر بیٹا لاکھوں کی گاڑی میں گھومتا ہے ۔۔ ایسے والدین کی دردناک کہانی جن کی اولاد نے انہیں گھر سے نکال کر بے یار و مددگار چھوڑ دیا

ایک باپ اپنی اولاد کو بچپن سے پالتا ہے اسے پڑھاتا لکھاتا ہے تاکہ اس کا مستقبل سنور سکے، ان کی ہر خواہش پوری کرتا ہے لیکن کچھ اولادیں بہت بدقسمت ہوتی ہیں اور وہ والدین کی دعاؤں سے محروم ہوجاتی ہیں۔

ایسی کئی ویڈیو سوشل میڈیا پر سامنے آتی ہیں کہ بد قسمت اولاد اپنے بوڑھے والدین کو بے سہارا چھوڑ کر عیش کی زندگی گزار رہی ہے۔

اسی طرح ایک اور ویڈیو کلپ سوشل میڈیا پر کافی وائرل ہو رہی ہے جس میں ایک بوڑھے شخص کی روداد نے صارفین کو اشکبار کر دیا۔

وائرل ہونے والی مختصر ویڈیو میں دیکھا جاتا ہے کہ بوڑھے باپ کے آگے ایک تصویر رکھی ہوتی ہے جو بظاہر ان کی جوانی کی لگتی ہے اورآگے ایک کٹورا بھی رکھا ہوتا ہے جس میں پیسے موجود ہوتے ہیں۔

بوڑھا شخص کو دُکھ بھرے لہجے میں یہ کہتے سنا جا سکتا ہے کہ میرا بیٹا ڈاکٹر ہے 60 ہزار روپیہ مکان کا کرایہ دیتا ہے۔ ساتھ میں وہ یہ کہتے ہیں کہ میرے بیٹے کے پاس 30 سے 35 لاکھ کی گاڑی بھی موجود ہے۔ خیال رہے نیچے دی گئی ویڈیو کئی ماہ پرانی جو ایک بار پھر سے وائرل ہورہی ہے۔

دوسری جانب ایک اور افسوسناک واقعہ سال 2021 ستمبر میں پیش آیا تھا جب ایک ظالم بیٹے نے والدین کو بے یار و مدد گار چھوڑ دیاتھا۔ اپنی بیوی کے ساتھ مل انہیں گھر سے نکلا دیا تھا جو وہ سڑک کنارے فٹ پاتھ پر زندگی گزارنے پر مجبور ہوگئے تھے۔ یہاں تک کہ ان کا کوئی رشتہ دار بھی ان کی مدد کو نہیں پہنچا۔

مذکورہ میاں بیوی کا تعلق لاہور سے ہے جو بڑھاپے میں اس ظلم کا شکار ہوئے۔