ممپس کی بیماری کیسے پھیلتی ہے؟ جانیں اس سے احتیاط کے چند طریقے جو ڈاکٹر بھی بتاتے ہیں

زیادہ تر یہ بیماری بچوں کو ہوتی ہے۔ اس میں تھوک بنانے والے گلینڈز پھول جاتے ہیں اور چہرے پر سوجن اور سختی آجاتی ہے۔ اس آرٹیکل میں آپ کو اس بیماری کی علامات اور احتیاط کے بارے میں بتایا جائے گا۔

ممپس کیسے ہوتے ہیں؟

یہ ایک قسم کے وائرس سے پھیلنے سے لگتے ہیں اس لئے ایسے مریض جن پر ممپس کی علامات ظاہر ہوچکی ہوں ان کا تھوک، چھینک وغیرہ سے دور رہیں۔

علامات

ممپس کی بیماری میں گال پھول کر سخت ہوجاتے ہیں، بخار ہوتا ہے، بھوک نہیں لگتی اور جسم میں درد ہوتا ہے۔ بخار 104 تک پہنچ جاتا ہے اور 2 ہفتوں میں یہ بیماری دوسروں کو لگنے کا خطرہ بڑھ جاتا ہے۔

علاج اور احتیاط

اس بیماری کا کوئی علاج نہیں البتہ ویکسین موجود ہے۔ اس بیماری کا علاج صرف اور صرف آرام ہے البتہ ڈاکٹر بخار کم کرنے والی عام دوائیں تجویز کرتے ہیں۔
اس بیماری میں پانی کی کمی نہیں ہونے دیں
چہرے پر جہاں سوجن ہو وہاں برف سے ٹکور کریں۔
مائع والی اور نرم غذائیں لیں جیسے کہ پتلی کھچڑی اور دلیہ۔ یہ غذائیں کھانے میں آسان رہیں گی
ایسی غذاؤں اور مشروبات سے پرہیز کریں جن سے تیزابیت بڑھے جیسے کہ زیادہ مرچ مصالحے والے کھانے اور کولڈ ڈرنک وغیرہ۔
مپس میں زیادہ سے زیادہ آرام کرنا چاہیے۔ 2 ہفتے تک مکمل آرام کریں۔
ایلو ویرا جیل یا نیم کے پتوں میں چٹکی بھر ہلدی پیس کر ملا کر سوجن پر لگانا فائدہ مند ہوتا ہے۔