انڈے سے زبردست زنگر تیار ۔۔ افطاری میں مہنگے آئٹم منگوانے کی جگہ اب گھر میں بنائیں یہ آسان اور سستی ریسیپی، جو کھائے دیوانہ ہوجائے

رمضان میں خواتین کیلیئے ایک امتحان یہ بھی ہوتا ہے کہ آج افطاری میں کیا بنایا جائے، کیونکہ ہمارے یہاں افطاری میں کافی اہتمام کیا جاتا ہے اور ہر کوئی اپنی حیثیت کے مطابق اچھے سے اچھا بنانے یا منگوانے کی کوشش کرتا ہے۔ اب چونکہ مہنگائی کافی ہوگئی ہے اسلیئے خواتین زیادہ تر گھر کے کھانوں پر ہی اکتفا کرتی ہیں۔

لیکن کہیں نہ کہیں گھر میں موجود بچوں کی فرمائش عروج پر ہوتی ہے جس کی وجہ سے ماؤں کو باہر سے کچھ منفرد منگوانا پڑتا ہے۔ اسی لیئے آج ہم آپ کو بتارہے ہیں افطاری کیلیئے ایک بلکل نئی اور منفرد ڈش، جو بچے بڑوں سب کو پسند آئے گی۔

انڈے سے تکون زنگر بنانے کا طریقہ:

۔ سب سے پہلےایک پیالے میں 4 عدد انڈے اور آدھا چمچ (نمک، ہلدی اور کٹی لال مرچ) ڈال کر پھینٹ لیں
۔ درمیانی آنچ پر فرائی پین رکھ کے اس میں تیل ڈالیں اور آملیٹ کی طرح پھیلا دیں، اسطرح یہ ایک موٹا سا آملیٹ بن جائے گا
۔ اب اسے چولہے سے اتار کر پیزے کی طرح تکونے شیپ میں کاٹ لیں
۔ اسکے بعد ایک پیالے میں دیڑھ کپ میدہ، ½ چمچ نمک، ½ چمچ لال مرچ اور ¼ چمچ لہسن پاؤڈر ڈال کر مکس کرلیں، اور تھوڑا سا کسی دوسرے پیالے میں نکال کر اس میں پانی شامل کریں اور پیسٹ بنالیں
۔ اب آملیٹ کے ٹکڑے کو پہلے میدے کے پیسٹ میں ڈبائیں پھر خشک میدے میں کوٹ کریں پھر دوبارہ ایسا کریں، جیسے زنگر بناتے وقت اسکی کوٹنگ کی جاتی ہے بلکل اسی طرح
۔ اب ان تکون آملیٹ کے ٹکڑوں کو تیل میں ڈیپ فرائی کرلیں، بلکل نئے انداز سے تیار کئے گئے افطاری اسنیکس تیار ہیں!