گھٹنوں کے درد کے لیے سیب کے سرکے کا استعمال، جانیئے سیب کا سرکہ کس طرح حیرت انگیز طور پر آپ کی اس مشکل کو دور کر سکتا ہے

سیب کے سرکے کا استعمال گھٹنوں کے درد کے لیے معروف ترین قدرتی علاج ہے، لیکن گھٹنوں میں درد کیوں ہوتا ہے اور اس درد کی کیا وجوہات ہیں آیئے سب سے پہلے یہ جان لیتے ہیں۔
گھٹنوں کا درد بڑی عمر کے افراد میں ایک عام مسئلہ ہے جو آج کے دور میں آہستہ آہستہ کم عمر کے بالغ نوجوانوں میں بھی عام ہوتا جا رہا ہے، گھٹنوں میں درد ہڈیوں کے کمزور ڈھانچے کی وجہ سے ہو سکتا ہے اس کے علاوہ یہ بڑھاپے کی وجہ سے، گِرنے اور چوٹ لگنے سے یا پھر ہڈیوں کی کمزوری کی وجہ سے ہو سکتا ہے۔
گھٹنوں کے درد سے نجات کے لئے سیب کا سرکہ بہترین قدرتی علاج ہے اور اس کا صحیح طریقے سے استعمال آپ کو اس درد سے ہمیشہ کے لئے نجات دِلا سکتا ہے، سیب کے سرکے کا استعمال درد کو کم کرنے اور نقل و حرکت کو فروغ دینے میں مدد کرتا ہے۔
سیب کا سرکے میں کیلشیم، میگنیشیم، پوٹاشیم اور فاسفورس موجود ہوتا ہے جو آپ کے جسم کے جوڑوں کو مضبوط رکھنے میں مدد کر سکتے ہیں۔

گھٹنوں کے درد سے نجات کے لئے سیب کے سرکے کا استعمال کس طرح کریں؟

سیب کے سرکے میں تیزابیت ہوتی ہے سیب کے سرکے کی ایک خاص مقدار کو پانی میں گھول کر استعمال کیا جاتا ہے اگر سیب کے سرکے کو بنا پانی میں حل کئے استعمال کیا جائے تو اس سے آپ کے دانتوں، آنتوں اور جلد کو نقصان پہنچ سکتا ہے اس لئے اسے بنا پانی میں حل کئے استعمال کرنے کی غلطی نہ کریں۔
گھٹنوں کے درد سے نجات کے لئے 2 چائے کے چمچ سیب کے سرکے کو 2 کپ پانی میں گھول کر دن بھر تھوڑا تھوڑا پیئیں یا پھر رات سونے سے پہلے پی لیں۔
اس کے علاوہ آپ دو کپ سیب کے سرکے کو باتھ ٹپ میں ڈال کر اس میں گرم پانی شامل کر کے اس پانی نے نہائیں تو گھٹنوں کا درد با آسانی دور ہو سکتا ہے ایسا روزانہ 30 منٹ تک کرنا ہوگا۔