آملہ اور چقندر کا جوس دلہنوں کو کیوں پینا چاہیئے؟ جانیں اس جوس سے حاصل ہونے والے وہ فائدے جو شادی سے پہلے ہر لڑکی کو جاننے ضروری ہیں

لڑکیاں شادی سے پہلے بیک وقت پرجوش اور گھبرائی ہوئی دونوں ہوتی ہیں کیونکہ ایک تو نئی آنے والی زندگی کی خوشی دوسرا اپنا گھر اور گھر والوں کو چھوڑنے کا غم۔ ایسے میں تناؤ کو نہ بھولیں جو شادی کی منصوبہ بندی اپنے ساتھ لاتی ہے، جیسے کہ شادی کے فنکشنز، شاپنگ، کپڑے اور جیولری کی فکر اور آخر میں بیوٹی پارلر کے چکر۔

آپ اپنی شادی کی تقریبات کے دوران بہترین نظر آنا چاہتے ہیں اور اندر سے اس شاندار چمک کو نکالنا چاہتے ہیں۔ اس چمک کو حاصل کرنے کے لیے آپ ایک ٹپ آزما سکتے ہیں وہ ہے ہر روز آملہ اور چقندر کا رس پینا۔

ماہر غذائیت لونیت بترا نے آسانی سے تیار کیے جانے والے مشروب کو دلہنوں کے لیے بہترین خوبصورتی کی دوائی قرار دیا ہے۔

لونیت نے وضاحت کرتے ہوئے کہا کہ، چقندر اور آملہ میں وٹامن سی کی مقدار زیادہ ہوتی ہے، جو کولیجن پروٹین کی ترکیب میں مدد کرتا ہے جو کہ جوان اور لچکدار جلد کو فروغ دیتا ہے۔

انہوں نے مزید بتایا کہ، آملہ اور چقندر کا جوس خون کو صاف کرنے، زہریلے مادوں کو ختم کرنے اور فوری چمک دینے میں بھی مدد کرتا ہے۔

آملہ کے عرق میں مضبوط سوزش کی خصوصیات ہیں، جبکہ چقندر میں بیٹالین، روغن بھی ہوتا ہے جو سوزش کو روکنے والی خصوصیات بھی رکھتے ہیں۔ یہ طاقتور امتزاج چہرے کی سوجن اور داغ دھبوں کو کم کر کے اسے صاف بنانے میں مدد کرتا ہے۔

اس بیوٹی پوشن میں موجود وٹامن سی جلد کو فری ریڈیکلز سے بچاتا ہے اور ہائپر پگمنٹیشن کے مسائل کے خلاف کام کرتا ہے۔

ماہر غذائیت کا مشورہ ہے کہ، جوس بنانے کے لیے 100 گرام چقندر اور دو چھوٹے تازہ آملہ لے کر اس میں ضرورت کے مطابق پانی شامل کر کے چوسر میں ڈال کر پیس لیں۔ کولیجن کو فروغ دینے، خون کو صاف کرنے، سوزش سے لڑنے، ہائپر پگمنٹیشن کو کنٹرول کرنے اور جلد کی حفاظت فراہم کرنے کی صلاحیت کے ساتھ، یہ آپ کو طاقت بھی دیتا ہے۔