آب زم زم کا زندہ معجزہ.. کیا آشوب چشم میں آب زم زم کا استعمال کرسکتے ہیں؟ جانیں

"ہم عمرہ پر گئے تھے وہاں میری بیٹی کے کان میں انفیکشن ہوگیا تھا۔ اسے تکلیف تھی اہلیہ نے بچی کے کان میں آب زم زم ڈال دیا۔ میں نے اسے روکا کہ ڈاکٹر کان میں پانی ڈالنے سے منع کرتا ہے تو انھوں نے جواب دیا کہ یہ پانی نہیں آب زم زم ہے اور مجھے یقین ہے کہ اس سے اس کی تکلیف ختم ہوجائے گی۔ یہی ہوا بچی بالکل ٹھیک ہوگئی اور آج وہ ایسی باتیں بھی سن لیتی ہے جو ہمیں نہیں سنائی دے رہی ہوتیں"

یہ واقعہ سنانے والے ایک نجی ٹی وی کھ اینکر ہیں جنھوں نے آج کل آشوب چشم کے پھیلے ہوئے مرض میں آب زم زم کو آئی ڈراپس میں ملا کر آنکھوں میں ڈالنے کا مشورہ دیا۔

آب زم زم کی طبی خصوصیات

آب زم زم اللہ کی طرف سے جاری کردہ ایسا معجزاتی چشمے کا پانی ہے جس میں کیلشیم، میگنیشیم، پوٹاشیم، سوڈیم، فلورائڈ، نائٹریٹ سمیت کئی معدنیات موجود ہوتے ہیں۔ دنیا بھر میں لاکھوں مسلمان روزانہ اس مقدس پانی کو پیتے ہیں اس کے علاوہ اس کو طبی مسائل کے حل کے لئے بھی استعمال کیا جاتا ہے۔ وبائی امراض میں بھی ڈاکٹر کے مشورے سے آب زم زم کا استعمال کیا جاسکتا ہے۔