کراچی کی عوام گٹروں کا پانی پی رہی اور۔۔ ظفر عباس مہنگائی کی چکی میں پستی غریب عوام کے بارے میں بتاتے ہوئے جذباتی ہوگئے، ویڈیو

پاکستان وہ ملک ہے جو بدقسمتی سے کسی بھی شعبے میں ترقی نہیں کر رہا سوائے مہنگائی کے جس میں دن بہ دن اضافہ ہوتا جا رہا ہے جس کی روک تھام کے لیے کوئی عمل درآمد نہیں کیا جا رہا۔

رمضان کا مہینہ جاری ہے جس کے عزت و احترام میں بیرونی ممالک میں کھانے پینے کی اشیاء پر خصوصی رعایت کی جاتی ہے وہیں پاکستان میں مہنگائی کو پر لگ جاتے ہیں۔

اسی حوالے سے جے ڈی سی کے فاؤنڈر ظفر عباس نے رمضان ٹرانسمیشن میں گفتگو کی جہاں وہ مہنگائی پر بات کرتے ہوئے اپنے جذبات پر قابو نہ رکھ سکے۔

جے ڈی سی فاؤنڈیشن نے کراچی میں بہت اچھا کام کیا ہے۔ وہ دیگر فلاحی کاموں کے علاوہ اس سال پھر سحری اور افطار کا دسترخوان لگا رہے ہیں۔

انہوں نے کہا کہ وہ ایسے بہت سے محافظوں کو جانتے ہیں جو سڑکوں پر سو رہے ہیں کیونکہ وہ بس کا کرایہ برداشت نہیں کر سکتے۔ وہ سڑک پر سو گئے اور صبح دوبارہ کام کرنے لگے۔ انہوں نے مزید کہا کہ حکومت کے رمضان پیکجز اب کام نہیں کریں گے۔ جامع منصوبہ بندی کی ضرورت ہے۔

ظرعباس کا کہنا تھا کہ ایک سیکیورٹی گارڈ کی تنخواہ ١٢ ہزار روپے ہے وہ اپنے گھر نہیں جاتا کسی فوٹھ پاتھ پر سوجاتا ہے کہ بس کے آنے جانے کے کرائے ساری تنخواہ لگ جائے گی۔

ان کا کہنا تھا کہ لوگوں کا برا حال ہے کراچی والوں کو پینے کا صاف پانی میسر نہیں ہے، ہم گٹروں کا پانی پیتے ہیں۔ مزید انہوں نے کیا کہا دیکھئے ویڈیو۔