بڑی الائچی کے دانوں میں ایسی کون سی قدرتی نعمت پائی جاتی ہے جو ہارٹ اٹیک کے خدشے کو کنٹرول میں رکھتی ہے؟ جانیں اس کے فائدے اور استعمال کا طریقہ

بڑی الائچی کو برصغیر پاک و ہند میں مصالحوں کی ملکہ کہا جاتا ہے جو ہمارے ہاں روزانہ پکنے والے کھانوں میں عام استعمال ہوتی ہے اور جہاں اپنے دلچسپ ذائقے اور محسور کُن خوشبو سے کھانے کا لُطف دوبالا کرتی ہے وہاں اُس کھانے کو صحت کے لیے مُفید بھی بناتی ہے۔ آج ہم آپ کو بڑی الائچی کے کرشماتی فوائد کے بارے میں بتائیں گے جس کے متعلق جان کر آپ ابھی سے الائچی کا استعمال شروع کر دیں گے۔ بڑی الائچی مُنہ کی جملہ بیماریوں میں کسی اکسیر سے کم نہیں کیونکہ یہ مُنہ میں پیدا ہونے والے جراثیم کا خاتمہ کرتی ہے جس سے دانتوں میں کیڑا لگنے کی بیماری، مُنہ کی بدبو کی بیماریوں کا علاج ہوتا ہے۔ بڑی الائچی کے بیجوں کو کھانے کے بعد چبانا مُنہ کی بدبو ختم کرنے کے ساتھ مُنہ کا ذائقہ خوشگوار بناتا ہے اور مُنہ میں خوشبو پیدا کرتا ہے۔میڈیکل سائنس کے مُطابق بڑی الائچی میں ایسے کمپاونڈز شامل ہوتے ہیں جو معدے کی تیزابیت کو ختم کرنے اور السر کی صُورت میں آرام کا باعث بنتے ہیں۔

وٹامن سی ہماری قوت مدافعت کے لیے ایک انتہائی اہم وٹامن ہوتا ہے جو ہمارے ایمیون سسٹم کو بہتر طور پر فعال رکھتا ہے اور بڑی الائچی میں شامل وٹامن سی نظام مدافعت کے ساتھ ہمارے سارے جسم میں خُون کے بہاؤ کو بہتر بناتا ہے جس سے سارے جسم کو آکسیجن کی سپلائی نارمل رہتی ہے اور جسمانی اعضاء بہتر انداز میں کام کرتے ہیں۔ دل کو صحت مند رکھنے کے لیے بڑی الائچی کا روزانہ استعمال انتہائی مُفید معاون ہوتا ہے، ماہرین کے مطابق بڑی الائچی سے دل کی دھڑکنوں کو نارمل رکھنے میں مدد ملتی ہے جس سے بلڈ پریشر کنٹرول میں رہتا ہے۔ اس الائچی میں موجود اینٹی آکسائیڈینٹ خوبیاں، وٹامن سی اور پوٹاشیم جیسے منرل ہماری جلد کے لیے انتہائی مُفید غذا ہے کیونکہ یہ جلد کے نیچے خون کے بہاؤ کو نارمل رکھتے ہیں جس سے جلد تروتازہ رہتی ہے۔