گھر کے سب ہی لوگ ایک ہی تاریخ کو پیدا ہوئے ۔۔ پاکستان کے منفرد خاندان میں ہر شخص ایک ہی تاریخ کو کیسے پیدا ہوگیا؟ ان سے متعلق دلچسپ باتیں جانیے

لاڑکانہ کے خاندان کو ایک منفرد اعزاز حاصل ہوا ہے جس کے باعث ان کا نام گنیز بک آف ورلڈ ریکارڈ کی کتا ب میں شامل کرلیا گیا ہے۔ یہ ایک بہت بڑی کامیابی ہے اور مذکورہ خاندان کا آج ہر کسی کی زبان پر ذکر ہے۔
کے فوڈز ڈاٹ کام کے اس آرٹیکل میں آپ کو اس دلچسپ خاندان کی خاص بات کے بارے میں بتائیں گے۔

لاڑکانہ کا خاندان دنیا بھر میں مشہور ہوگیا ہے جس کی وجہ یہ سامنے آئی ہے کہ ان کے اس خاندان کا ہر ایک فرد ایک ہی تاریخ کو پیدا ہوا جو کہ ایک حیرت انگیز بات بلکہ یوں کہہ لیں کہ قدرست کا کرشمہ ہے۔

رپورٹ کے مطابق لاڑکانہ صدیقی کالونی کے رہائشی امیر علی منگی ان کی اہلیہ اور 7 بچوں کی تاریخ پیدائش ایک ہی ہے، جن میں 3 بیٹیاں اور 4 بیٹے شامل ہیں۔

امیر علی کی فیملی میں کل ٩ افراد موجود ہیں اور سب کی تاریخ پیدائش یکم اگست ہے۔ اس خاندان کا نام اسی کارنامے کی وجہ سے گنیز بک آف ورلڈ ریکارڈ میں شامل کرلیا گیا ہے۔

ایک اور خاص بات یہ ہے کہ اس خاندان کے سربراہ امیر علی کی شادی بھی یکم اگست کو ہوئی تھی۔ اور ان کے 2 بیٹے اور 2 بیٹیاں بھی جڑواں ہیں۔

امیرعلی منگی کو بین الاقوامی سطح پر تو شناخت مل گئی لیکن وہ غمگین دکھائی دئے۔ ان کا کہنا ہے کہ 2019ء سے میری فیملی گنیز بک آف ورلڈ ریکارڈ میں شامل ہے۔

پیشے کے اعتبار سے لاڑکانہ سے تعلق رکھنے والے امیر علی اسکول میں استاد ہیں۔