جیسا کرو گے ویسا بھرو گے.. شام ادریس نے بیوی کی فیک ویڈیو بننے پر افسردہ ڈکی بھائی کو ماضی یاد دلا دیا

"صرف چند لائکس کیلئے ڈکی بھائی نے میری اہلیہ کے حجاب اور ان کی جسامت کے متعلق طنزیہ ویڈیوز بنائیں جس کی وجہ سے میری بیوی بھی درد سے گزری جو آج ڈکی بھائی کی بیوی عروب محسوس کررہی ہیں. اس سب سے میری گھریلو زندگی اتنی متاثر ہوئی کہ میں خودکشی کا سوچنے پر مجبور ہوگیا. سچ یہ ہے کہ میں نے اس لمحے سب اللہ پر چھوڑ دیا تھا"

یہ کہنا ہے معروف یوٹیوبر شام ادریس کا جنھوں نے حال ہی میں ڈکی بھائی کی اہلیہ عروب کی نازیبا ویڈیو بنانے والے پر تنقید کے ساتھ ساتھ پورے عمل کو ان کی سزا قرار دیا.

شام ادریس نے مزید کہا کہ وقت کے ساتھ ڈکی بھائی کی مقبولیت میں تو اضافہ ہوا اور اس بات کی مبارکباد میں نے بھی ان کو دی لیکن یہ یاد رکھنا چاہیے کہ ہم جو بھی کرتے ہیں ہمارے ساتھ بھی وہی ہوتا ہے.

"آج جو کچھ بھی ڈکی بھائی اور ان کی بیوی کے ساتھ ہوا وہ غلط ہے. کسی کو کوئی حق نہیں کہ کسی کی غلط ویڈیوز بنائے اور اسے شئیر کرے. لیکن ڈکی بھائی جس طرح کسی کو آپ کی فیملی کی ویڈیو بنانے کا کوئی حق نہیں اسی طرح آپ کو بھی کوئی حق نہیں تھا کہ میری بیوی کا مذاق اڑائیں اور اس پر ویڈیوز بنائیں. میری دعائیں آپ کے ساتھ ہیں، اللہ بے شک بہتر انصاف کرنے والا ہے.

واضح رہے کہ کچھ سال پہلے ڈکی بھائی نے شام ادریس کی بیوی سحر ( فروگی) کے خلاف ویڈیوز بنائیں اور انہیں سوشل میڈیا پر وائرل کرتے ہوئے شدید ٹرولنگ کی تھی.