سلام ہے ان خواتین کو جو گھر کے ساتھ ۔۔ احمد علی بٹ نے گھروں میں موجود خواتین کی کن الفاظ میں تعریف کی؟ ویڈیو وائرل

پاکستانی شوبز کے معروف اداکار و میزبان احمد علی بٹ کا تعلق ایک مضبوط خاندان سے ہے۔ ان کی دادی میڈم نور جہاں اور ان کی والدہ ظل ہما دونوں سپر اسٹار رہ چکی ہیں اور لوگ ان کے ہنر کی وجہ سے اب بھی ان سے محبت اور انکی تعریف کرتے ہیں۔

احمد علی بٹ کی اہلیہ فاطمہ خان بھی ایک بہت مضبوط اور مثبت سوچ رکھنے والی خاتون ہیں جو پہلے اداکاری بھی کرچکی ہیں اور وہ اب بھی لوگوں کو اپنے خیالات اور انداز سے متاثر کرتی ہیں۔

احمد مسرت مصباح کے شو میں احمد علی بٹ مہمان بنے اور انہوں نے بتایا کہ وہ ایک ایسے گھرانے سے ہیں جہاں خواتین مردوں سے زیادہ باصلاحیت ہیں اور انہوں نے مردوں سے کہیں زیادہ پیسہ کمایا ہے۔ لیکن ہماری خواتین نے کبھی مردوں کو نیچا دکھانے کی کوشش نہیں کی۔ انہوں نے ہمیشہ انہیں محفوظ بنایا حالانکہ خواتین زیادہ کامیاب تھیں۔

اداکار کا کہنا تھا کہ شادی کے بعد مجھے احساس ہوا کہ گھریلو ذمہ داریاں سنبھالنا ایک مشکل کام ہے۔ ایک گھریلو خاتون صرف اپنے خاندان کی بہتری کے لیے سوچتی اور کام کرتی ہے۔

ان کا کہنا تھا ایک ہاوس وائف ہونا کیریئر چلانے سے کہیں زیادہ مشکل کام ہے۔ اس لیے انہوں نے اپنی اہلیہ کی تعریف اور کہا کہ ان کی وجہ سے گھر میں بہت خوشحالی ہے۔