اگر آپ پیروں کی بدبو سے تنگ ہیں تو مزید پریشان نہ ہوں، ان آسان نسخوں کو آزما کر دیکھیں

پاؤں سے بُوآنے کی وجہ پسینے کا آنا ہے اور پسینے کی وجہ سے پاؤں میں بیکٹیریا بنتے ہیں اور ہمیں ناگوار بو آنے لگتی ہے۔اگر آپ کے پاؤں سے بُو آتی ہے تو پریشان نہ ہوں کیونکہ آج ہم آپ کو اس سے نجات کے لئے آسان نسخے بتائیں گے۔

پیروں کی صفائی :
اپنے پیروں کو مکمل طور پر دھولیں محض صابن لگاکر پانی بہا لینے سے فائدہ نہیں ہوگا ۔ اصل مقصد بیکٹیریا اور جلد کے بے جان خلیوں کو ختم کرنا ہے ۔ پیروں کی انگلیوں سے لیکر ایڑی تک برش یا چھوٹے تولیہ سے اچھی طرح رگڑ کر صاف کری، Exfoliateکریں ۔ عام صابن کی جگہ اینٹی بیکٹیریل صابن کو استعمال کریں ۔ دھونے کے بعد اچھی طرح خشک کرلیں ۔ پیروں کی انگلیوں کے درمیان کی جگہ کو خشک کرنا نہ بھولیں ۔

بیکنگ سوڈا اور بے بی پاؤڈر :
جوتوں کے اندر بیکنگ سوڈا یا بے بی پاؤڈر اچھی طرح چھڑک لیں ۔ یہ دونوں ہی جوتوں کی بوکو ختم کردیتے ہیں ۔ یہ طریقہ انتہائی آسان ہے اور گھر پر رہتے ہوئے بغیر کسی دقت کے کیا جاسکتا ہے

بلیچ :
ایک گیلن 3.8لیٹر یا 16کپ نیم گرم پانی لیں ۔ دو کھانے کے چمچ بلیچ ملالیں ، اپنے پیروں کو دس منٹ کے لئے بھگودیں ۔سات دنوں تک روزانہ کریں ۔ نوٹ : اگر بلیچ سے آپ کے پیر خشک ہونے لگیں تو بے بی آئل سے مساج کرلیں ۔ بلیچ اور پانی کا مکسچر آپ اپنے جوتوں کے لئے بھی استعمال کرسکتے ہیں ۔ جوتوں کو اچھی طرح مکسچر میں بھگودیں ، آدھے گھنٹے کے بعد صاف پانی سے دھولیں اور خشک کرلیں ۔

ہینڈ سینیٹائزر:
تھوڑا سا Hand Sanitizerلے کر اپنے پیروں پر مل لیں ۔ یہ آپ کے پیروں کے جراثیم کا خاتمہ کردے گا اور بیکٹیریا کی نشوونما کو روک دے گا ۔ اچھی کوالٹی کا Sanitizerخریدیں ، استعمال کے بعد پیروں کو خشک کرلیں۔

لیموں :
ایک گملہ لیں، اس میں نیم گرم پانی ڈال لیں اور ایک لیموں کا جوس بھی شامل کرلیں ۔ اب اپنے پیروں کو پندرہ منٹ کے لئے بھگو کر رکھ دیں ۔ لیموں کی جگہ پودینے کا تیل پانچ قطرے بھی ڈال سکتے ہیں ۔ پیروں کو نکالنے کے بعد خشک کرلیں ۔ اس کے استعمال سے پیروں کی بو کا مکمل خاتمہ ہوجائے گا۔

By Aqib Shahzad    |    In Tips and Totkay   |    0 Comments    |    2169 Views    |    22 Oct 2020

Comments/Ask Question

Read Blog about اگر آپ پیروں کی بدبو سے تنگ ہیں تو مزید پریشان نہ ہوں، ان آسان نسخوں کو آزما کر دیکھیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اگر آپ پیروں کی بدبو سے تنگ ہیں تو مزید پریشان نہ ہوں، ان آسان نسخوں کو آزما کر دیکھیں) and how to utilize other natural ingredients to cure diseases, easy recipes, and other information related to food from KFoods.