ذاتی زندگی میں مداخلت کرنے سے پہلے سوچ لینا چاہیئے ۔۔ متھیرا کے بیان پر طوبیٰ انور نے سخت جواب دے دیا، دونوں کے درمیان کیا تکرار ہوئی؟

پاکستانی شوبز انڈسٹری کی معروف اداکارہ طوبیٰ انور آج سے کچھ روز پہلے برطانوی نشریاتی ادارے بی بی سی اردو کو انٹرویو دیا جس میں انہوں ذاتی زندگی اور ڈراموں کے حوالے سے گفتگو کی۔

ساتھ ہی اداکارہ نے خواتین کے ساتھ پیش آنے والے ظلم و بربریت سے بھرے واقعات پر اپنے خیالات کا اظہار کیا۔ انہوں نے خود کا موازنہ نور مقدم سے کیا جس پر متھیرا نے انہیں آڑے ہاتھوں لیا۔

دونوں شوبز شخصیات کے درمیان لفظی تکرار سوشل میڈیا صارفین کی توجہ حاصل کر رہی ہے۔

طوبیٰ انور نے بی بی سی کو انٹرویو دیتے ہوئے کہا کہ جب نور مقدم والا واقعہ سامنے آیا تھا تو اس وقت میں بھی اپنی زندگی کے تکلیف دہ لمحات سے گزر رہی تھی، حالانکہ میں نور مقدم سے کبھی نہیں ملی لیکن میں وہ سب کچھ محسوس کرسکتی ہوں جوکہ نور کے ساتھ ہوا کیونکہ نور نے جن چیزوں کا سامنا کیا میں بھی اپنی زندگی میں وہ تمام چیزیں برداشت کر چکی ہوں۔

اداکارہ کا کہنا تھا کہ میں تمام چیزیں یوں کھل کر بتا نہیں سکتی لیکن ہماری سوسائٹی میں صرف قصوروار مظلوم کو ہی ٹھہرایا جاتا ہے۔ اب متھیرا کو طوبٰی انور کا نور مقدم کے ساتھ موازنہ درست بات نہ لگی جس پر انہوں نے انسٹاگرام پر تفصیلی پوسٹ شئیر کی۔

پروگرام میزبان نے طوبیٰ انور کے خیالات پر اپنا ردِعمل ظاہر کرتے ہوئے کہا کہ عامر بھائی نے طوبیٰ کی انٹرٹینمنٹ انڈسٹری میں قدم رکھنے میں مدد کی، اس لیے صرف لوگوں کی توجہ حاصل کرنے کے لیے طوبیٰ انور کو اس طرح کے انٹرویو دینا بند کرنے چاہئیں اور اس بات کا بھی خیال رکھنا چاہیے کہ عامر بھائی اب اس دنیا میں نہیں رہے۔

متھیرا نے طوبیٰ انور کو کہا کہ مرحوم کی عزت کرنا سیکھیں کیونکہ وہ دنیا سے جا چکے ہیں اور انہیں معاف کر دینا ہی بہتر ہے جس پر طوبیٰ انور غصے میں آگئیں اور انہوں نے اپنے اوپر ہونے والی تنقید کا جواب دیا کہ میں نے متھیرا کو اپنی باتوں کی وضاحت دینے کے لیے فون بھی کیا لیکن اُنہوں نے میرا فون نہیں اٹھایا۔

اُنہوں نے کہا کہ متھیرا کو مجھ پر تنقید کرنے سے پہلے مکمل انٹرویو دیکھنا چاہیے اور دوسروں کی ذاتی زندگی میں مداخلت کرنے سے پہلے سوچنا چاہیے۔

اُنہوں نے مزید کہا کہ انٹرویو کے دوران دیے گئے میرے بیان کے ترجمے میں اس کی صحیح تشریح نہیں کی گئی۔

By Zain    |    In News   |    0 Comments    |    697 Views    |    30 Sep 2022

Related Articles

Comments/Ask Question

Read Blog about ذاتی زندگی میں مداخلت کرنے سے پہلے سوچ لینا چاہیئے ۔۔ متھیرا کے بیان پر طوبیٰ انور نے سخت جواب دے دیا، دونوں کے درمیان کیا تکرار ہوئی؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ذاتی زندگی میں مداخلت کرنے سے پہلے سوچ لینا چاہیئے ۔۔ متھیرا کے بیان پر طوبیٰ انور نے سخت جواب دے دیا، دونوں کے درمیان کیا تکرار ہوئی؟) and how to utilize other natural ingredients to cure diseases, easy recipes, and other information related to food from KFoods.