آپ میرے اتنے چھوٹے بچوں سے حسد کررہی ہیں اور.. بیٹوں پر طنز کے جواب میں بختاور بھٹو نے صحافی کو کھری کھری سنا دی

"مجھے اس بات کی بہت خوشی ہے کہ میرے ایک اور دو سال کے بچے آپ کے لیے بہت زیادہ عدم تحفظ اور حسد کا باعث بن گئے ہیں. امید ہے آپ کا کڑوا پن میرے بچوں کی عمر کے ساتھ بڑھتا رہے گا"

یہ کہنا ہے موجودہ صدر آصف علی زرداری کی بڑی بیٹی بختاور بھٹو زرداری کا. پاکستان پیپلز پارٹی کے آفیشل ایکس اکاؤنٹ سے صدر آصف علی زرداری اور آصفہ بھٹو زرداری کی ایک ایسی تصویر پوسٹ کی گئی جس میں وہ اپنی چھوٹی بیٹی آصفہ کو قومی اسمبلی کی رکنیت کا حلف اٹھانے پر مبارکباد دے رہے تھے۔

اس تصویر کو ری پوسٹ کرتے ہوئے ایک خاتون صحافی نے طنزیہ تبصرہ کرتے ہوئے لکھا کہ "لگے ہاتھوں بختاور کے دونوں بیٹوں سے بھی حلف اٹھوا لیتے"

خاتون کا یہ طنزیہ جملہ سن کر بختاور بھٹو نے بھی انھیں کھری کھری سنا دی. واضح رہے کہ بختاور بھٹو زرداری کی شادی 31 جنوری 2021 کو محمود چوہدری کے ساتھ ہوئی تھی جبکہ پہلے بیٹے میر حاکم محمود کی پیدائش اکتوبر 2021 میں اور دوسرے بیٹے میر سجاول کی پیدائش 6 اکتوبر 2022 کو ہوئی تھی. بختاور بھٹو اگرچہ سیاسی طور پر تو متحرک نہیں ہیں البتہ اپنے والد اور بہن بھائی کے ہر اہم موقع پر ان کے ساتھ ہوتی ہیں.