ماضی کی مشہور اداکارہ جاناں ملک آج کل کہاں ہیں؟ انہوں نے ویڈیو شئیر کردی

ماضی کے کئی مشہور اداکار آج پردہ اسکرین سے اوجھل ہیں جنہیں دیکھنے کے لیے لوگ اپنے کام کاج سے فارغ ہوکرٹی وی آن کرلیتےتھے۔ انہی میں اداکارہ جاناں ملک بھی ہیں۔

ماضی کی معروف پاکستانی اداکارہ جاناں ملک کسی تعارف کی محتاج نہیں۔ گزشتہ چند برسوں وہ اسکرین سے تو دور ہیں ہی لیکن پچھلے ایک سال سے انہوں نے اپنے کاروبار سے بھی دوری اختیار کی ہوئی ہے۔ جاناں ملک بیکنگ آن لائن کاروبار کرتی ہیں۔

انسٹاگرام پر جاناں ملک نے حال ہی میں ایک ویڈیو شیئر کی اور مداحوں سے دلچسپ سوال بھی کیا۔

ان دنوں ماضی کی معروف اداکارہ جاناں ملک کینیڈا کے شہر وینکوور میں مقیم ہیں جہاں وہ شدید ٹھنڈ میں برفباری سے لطف اندوز ہو رہی ہیں۔

ان کی جانب سے شیئر کی گئی ویڈیو میں انہیں تیز برفباری کے دوران خریداری کر کے واپس گھر جاتے ہوئے دیکھا جاسکتا ہے۔ انہوں نے ویڈیو میں مداحوں سے دلچسپ سوال بھی کیا کہ ’برفباری کے لیے کون سا لفظ استعمال کرتے ہیں کہ برفباری زیادہ ہو رہی ہے یا برفباری تیز ہو رہی ہے۔

جاناں ملک نے ویڈیو کے علاوہ چند تصاویر بھی شیئر کی ہیں جس میں ان کی رہائش گاہ کو شدید برف کی لپیٹ میں دیکھا جاسکتا ہے۔

انہوں نے مختلف ویڈیوز اور تصاویر کے ساتھ کیپشن میں لکھا کہ مجھے سردیاں نہیں پسند لیکن برفباری پسند ہے۔

خیال رہے کہ جاناں ملک پاکستان شوبز انڈسٹری کا جانا پہچانا نام ہیں۔ انہوں نے اپنے کیرئیر کا آغاز پی ٹی وی کے ڈرامہ سیریل ریزگار سے کیا تھا۔