منہ نہیں دھوتی لیکن.. ونیزہ احمد نے اپنے بے داغ چہرے کا کیا راز بتایا؟

"میں کبھی منہ نہیں دھوتی، مگر میرے بیگ میں موئسچرائزر ہمیشہ موجود ہوتا ہے۔"

ماڈل اور اداکارہ ونیزہ احمد نے اپنی خوبصورتی کے راز کو بے نقاب کرتے ہوئے حیران کن انکشاف کیا ہے۔ انہوں نے واضح کیا کہ چمکدار اور صحت مند جلد کی خواہش آج کے دور میں تقریباً ہر کسی کا خواب ہے، خاص طور پر جب آلودگی اور مصروف طرز زندگی اپنی جگہ بنا چکی ہے۔

جلد کی حفاظت ایک اہم عمل ہے، کیونکہ یہ نہ صرف خوبصورتی کا معاملہ ہے بلکہ صحت کے ساتھ بھی اس کا گہرا تعلق ہے۔ اے آر وائی ڈیجیٹل کے پروگرام "گڈ مارننگ پاکستان" میں گفتگو کرتے ہوئے، ونیزہ احمد نے خواتین کے لیے جلد کی نگہداشت کے بہترین اور مؤثر مشورے فراہم کیے۔

قدرتی چیزوں کی اہمیت

انہوں نے کہا کہ جلد کی حفاظت کے لیے قدرتی اجزاء کا استعمال زیادہ فائدہ مند ہوتا ہے۔ "موئسچرائزر" کا استعمال نہ صرف چہرے کی رطوبت برقرار رکھتا ہے بلکہ آئلی جلد کے لیے بھی ضروری ہے۔

ہائیڈریشن کی اہمیت

ونیذہ نے مزید بتایا کہ موئسچرائزر لگانے سے پہلے چہرے کو گیلا کرنا نہایت ضروری ہے۔ وہ روزانہ "واٹر" کا استعمال کرتی ہیں اور میک اپ کرنے سے پہلے یا بعد میں منہ نہیں دھوتیں، سوائے وضو کرنے کے۔

خوبصورتی کا راز: اسکرب

اداکارہ نے خواتین کو مشورہ دیا کہ وہ چینی اور شہد کو ملا کر اسکرب تیار کریں، جسے چہرے پر لگانے سے وائٹ ہیڈز ختم ہوں گے اور چہرے کی چمک میں بھی اضافہ ہوگا۔