والد نے خواب میں آ کر کہا بیٹا قرآن پڑھ.. نشو بیگم کا ماں باپ سے کیسا رشتہ تھا! یاد کرتے ہوئے دکھی ہوگئیں

"ماں کہتی تھی کہ نشو تم اتنا زیادہ کیسے بول لیتی ہو. تم کو اتنی باتیں کون سکھاتا ہے. ماں کا یہ جملہ بہت یاد آتا ہے."

یہ کہنا ہے ماضی کی نامور اداکارہ نشو بیگم کا جنھوں نے الف ٹی وی میں انٹرویو دیتے ہوئے اپنے والدین کے بارے میں گفتگو کی.

نشو بیگم کا کہنا تھا کہ زندگی میں جتنی بھی تکالیف دیکھی ہیں ان کا سایہ کبھی بچوں پر نہیں پڑنے دیا. یہی سوچتی ہوں کہ صاحبہ کا ہر دکھ خود پر جھیل لوں لیکن مجھ سے پہلے ریمبو میری بیٹی کے دکھ لے جاتا ہے.

والد کی محبت سے جڑا ایک واقعہ سناتے ہوئے نشو بیگم نے بتایا کہ ایک بار جب وہ زندگی میں سخت حالات کا شکار تھیں اور بہت رویا کرتی تھیں تو خواب میں ان کے والد آئے اور کہا اٹھ کے قرآن پاک پڑھ. اور بہت سارا سامان بھی دیا. کہتے ہیں مردے کا خواب میں کچھ دینا اچھا ہوتا ہے. اس خواب کے بعد زندگی میں سکون آگیا اور مسائل ختم ہوگئے.

نشو بیگم کا کہنا تھا کہ والدین اگر دنیا سے چلے بھی جائیں تو اولاد سے رشتہ نہیں ٹوٹتا. ہمارے خون اور باتوں میں وہی ہوتے ہیں. بدنصیب ہے وہ اولاد جو ماں باپ کو بڑھاپے میں پائے لیکن اسے اولڈ ہوم کے حوالے کردے.