یورک ایسڈ گردے میں پتھری بھی بنادیتا ہے۔۔ ڈاکٹر یورک ایسڈ سے بچنے کے کیا طریقے بتاتے ہیں؟ جانیں

کیا آپ جانتے ہیں جس ہڈیوں کے درد کو آپ معمولی سمجھ کر نظر آنداز کرتے آرہے ہیں وہ یورک ایسڈ کی وجہ سے بھی ہوسکتا ہے جو آپ کی صحت میں خطرناک بیماریاں بھی پیدا کرسکتا ہے۔ لیکن اسے کیسے کنٹرول کریں؟ یہ جاننے کے لئے یہ آرٹیکل آخر تک ضرور پڑھیں

یورک ایسڈ کیسے بنتا ہے؟

یورک ایسڈ ایک فاضل مادہ ہے جو پیورین نامی کیمیکل کے ٹوٹنے سے بنتا ہے اور خون میں تحلیل ہوجاتا ہے اور گردے میں جمع ہوکر پیشاب کے زریعے باہر نکل جاتا ہے۔ اگر جسم میں یورک ایسڈ زیادہ بننا شروع ہوجائے تو یہ کرسٹلز کی صورت اختیار کرکے جوڑوں میں ٹہر جاتا ہے۔ اس حالت کوhyperuricemia کہتے ہیں۔

کن غذاؤں سے یورک ایسڈ زیادہ بنتا ہے؟

اعضائی گوشت جیسے کہ جگر، پھیپھڑا، دل گردہ وغیرہ اور ان کے سالن، پالک، خشک میوہ جات، مٹر مشرومز، دلیہ دالیں، بینز اور الکوحل وغیرہ میں پیورین کی مقدار زیادہ ہوتی ہے جو یورک ایسڈ کو بڑھا دیتی ہے۔ ان غذاؤں کے استعمال میں احتیاط سے کام لیں اور اگر وزن بڑھا ہوا ہے تو اسے بھی کنٹرول کریں۔

یورک ایسڈ بڑھنے کی علامات

اگر جسم میں یورک ایسڈ بڑھ جائے تو اس کی علامات میں جوڑوں میں شدید درد کے علاوہ جوڑوں میں سرخی اور سوجن آنا شامل ہے۔ جوڑوں میں درد اس قدر شدید ہوسکتا ہے کہ ہلنے جلنے میں اور چلنے میں بھی دشواری ہوجاتی ہے۔ گردے میں تکلیف اور انگوٹھے کا سوج جانا بھی یورک ایسڈ کی علامتوں میں شامل ہیں۔ یورک ایسڈ کی زائد مقدار گھٹیا کے مرض کی اہم وجہ ہوتی ہے۔ ان علامات کی صورت میں فوری طور پر ڈاکٹر کو دکھا لینا بہتر ہے۔

ڈاکٹر کی رائے

یورک ایسڈ کو کنٹرول کرنے کے لئے ڈاکٹروں کا کہنا ہے کہ آرگن میٹ یعنی گردہ، جگر اور پھیپھڑے کا گوشت کھانے سے پرہیز کریں، وقتاً فوقتاً ٹیسٹ کرواتے رہیں۔ پانی کی زیادہ سے زیادہ مقدار لیں تاکہ جسم سے زہریلے مادے خارج ہوجائیں اس کے علاوہ اگر کسی قسم کی علامت ظاہر ہوں تو فوراً معالج کو دکھائیں۔

یورک ایسڈ جسم کو کیا نقصان پہنچاتا ہے؟

یورک ایسڈ جوڑوں میں کرسٹلز کی صورت ٹہر کر نا صرف انھیں کمزور کرتا ہے۔ گٹ بناتا ہے بلکہ یہ گردوں کی بیماریاں اور ان میں پتھری بھی بنانے لگتا ہے۔