بغیر کسی جادوئی ڈائٹ کے 20 سالہ انفونسر نے 67 کلو وزن کیسے کم کر لیا؟ آسان طریقہ سب کو بتا دیا

Influencer Weight Loss Journey And Tips

20 سال کی عمر میں اپنی زندگی بدل دینا کوئی آسان کام نہیں، مگر ہریانہ کی رجنی گھنگھاس نے وہ کر دکھایا جو ہزاروں خواب ہی دیکھ پاتے ہیں۔

دو برس پہلے ترازو پر 155 کلو وزن دیکھ کر وہ اکثر اداس ہوجاتی تھیں، مسکراہٹ کے پیچھے دکھ چھپانا ان کی عادت بن چکی تھی۔ لیکن آج؟ وہی رجنی صرف 88 کلو کی ہیں اور پورے 67 کلو کم کرکے نہ صرف اپنی شکل بلکہ اپنی سوچ بھی بدل چکی ہیں۔

انہوں نے یہ کامیابی کسی جادوئی ڈائیٹ یا مہنگے پروگرام کے بغیر حاصل کی۔ نہ فینسی شیکس، نہ کڑی پابندیاں، نہ ہی شارٹ کٹس۔ صرف مسلسل چھوٹے فیصلے، سادہ گھر کا کھانا اور روزانہ کی ورزش نے انہیں وہاں پہنچایا جہاں وہ خود کو "نئی زندگی" کا تحفہ دے سکیں۔

شام کے وقت ایک کلو میٹر کی دوڑ، ہلکی ایکسرسائز، اس کے بعد سلاد اور کبھی کبھار "چیٹ ڈے" پر فیملی کے ساتھ ہنسی مذاق۔ یہی تھا ان کا فارمولا۔

انسٹاگرام پر شیئر کیے گئے ڈائٹ پلان میں انہوں نے بتایا

عام روٹیاں اور سبزیاں

دہی، پنیر اور پروٹین کے ذرائع

چنے کا سلاد، مکھانے، کھیرے

اجوائن چائے، دارچینی لیموں پانی اور چقندر کا جوس

روزانہ کم از کم 10 ہزار قدم اور 4 لیٹر پانی

رجنی کہتی ہیں کہ اصل جیت چھوٹے مگر مستقل قدموں میں ہے، کیونکہ کوئی بھی تبدیلی ایک دن میں نہیں آتی۔ اور آج ان کی کہانی ہزاروں نوجوانوں کو یہ پیغام دے رہی ہے کہ اگر ارادہ مضبوط ہو تو وزن صرف جسم کا نہیں، بوجھ دل کا بھی کم ہوتا ہے۔

آپ کو کیا لگتا ہے؟ سب سے زیادہ مشکل کیا ہے — ڈائٹ، ورزش یا مستقل مزاجی؟