تخم ملنگا کے فوائد

تخم ملنگا کی سب اچھی بات یہ ہے کہ یہ غذائیت سے بھرپور ہونے کے ساتھ جسم کے لیے انتہائی صحت بخش ہوتا ہے۔یہ ڈیری اشیائ سے لے کر مشروبات تک تقریباً ہر چیز میں استعمال ہوسکتا ہے۔ اس میں موجود فائبر، پروٹین اور فیٹی ایسڈ امراض قلب اور فالج کے خطرے کو کم کرنے میں اہم کردارادا کرسکتے ہیں۔ یہ آپ کی بھوک مٹاکر پیٹ بھرنے کا احساس دلاتے ہیں جس کی وجہ سے آپ زیادہ غذا کھانے سے بچے رہتے ہیں۔ یہاں تخم ملنگا کے فوائد، چند آسان اور مزیدار استعمال پیش کیے جارہے ہیں۔

اسمودی

آپ اسے کسی بھی اسمودی کے ساتھ ملا کر اس کی غذائیت کو مزید بڑھا سکتے ہیں۔ جیسے آم اسمودی، اسٹروبیری اسمودی اورکیلے کی اسمودی وغیرہ۔

لیموں پانی

لیموں پانی کی افادیت سے کسی کو انکار نہیں، مگر اسے مزید فائدے مند بنانے کے لیے اس میں تخم ملنگا ملا کر استعمال کریں اس طرح اس کی غذائیت کے ساتھ ذائقہ بھی بڑھائیں۔

جو کا دلیہ

غذائیت سے بھرپور ناشتہ کی خواہش ہے تو جو کے دلیہ میں ملا کر کھائیں، اور دن بھر چاک و چوبند رہیں۔

دہی

اگر آپ دہی کے ساتھ کسی غذا کو ملا کر کھانا چاہتے ہیں تو تخم بالنگا سے بہتر کوئی اور نہیں ہو سکتا ہے۔ اسے دہی میں ملائیں اور مزے کے ساتھ توانائی بھی بڑھائیں۔

گرین ٹی

ویسے تو اسے کسی بھی مشروب میں شامل کیا جاسکتا ہے مگر گرین ٹی کے ساتھ اس کا ملاپ دونوں کی افادیت میں کئی گناہ اضافہ کا سبب بنتا ہے۔

کیک

اگر آپ کوئی مزیدار چیز کھانا چاہتا ہے مگر وہ صحت کے حوالے سے بھی اہم ہو تو اسے کیک اور برائونی کے ساتھ بیک کریں اور کیک کو ایک صحت بخش غذا بنا ئیں۔ تخم ملنگا کے فوائد جان کر آپ بھی اس کا استعمال اب روزانہ کرنا شروع کردیں گے۔