گھر پر مہمان آرہے ہیں اور کچھ مزیدار بنانا ہے تو آج بنائیں مبشر صدیقی کی بتائی ہوئی مشہور چولستانی چکن کڑاہی

عام کڑاہی تو ہم اکثر ہی کھاتے ہیں آج ہم آپ کے لئے لائے ہیں چولستانی چکن کڑاہی بنانے کی ترکیب جو آزما کر آپ بھی گھر میں بنا سکیں گے چولستانی کڑاہی آسانی سے۔

اجزاء

تیل۔۔۔ ایک کپ
مرغی۔۔۔ ایک کلو
لہسن ادرک پیسٹ۔۔۔ 2 کھانے کے چمچ
نمک۔۔۔ حسبِ ضرورت
ٹماٹر۔۔۔ 5 عدد
کٹی مرچ۔۔۔ ایک چائے کا چمچ
پسی لال مرچ۔۔۔ ایک چائے کا چمچ
گرم مصالحہ۔۔۔ آدھا چائے کا چمچ
زیرہ پاؤڈر۔۔۔ آدھا چائے کا چمچ
پسی کالی مرچ۔۔۔ ایک چائے کا چمچ
دھنیا پاؤڈر۔۔۔ ایک کھانے کا چمچ
ہری مرچیں۔۔۔ 4 سے 5 عدد
دہی۔۔۔ ایک کپ
ہرا دھنیا اور ادرک۔۔۔ گارنش کے لئے

ترکیب:

سب سے پہلے ایک لوہے کی بڑی کڑاہی لیں، اب اس میں تیل ڈالیں اور ساتھ ہی چکن شامل کریں، پھر اس ادرک لہسن کا پیسٹ، میں نمک اور ٹماٹر شامل کریں اسے گلنے تک پکائیں پھر اس میں بتائے گئے تمام مصالحے شامل کریں، اب اسے اچھی طرح بھونیں پھر اس میں ہری مرچیں اور دہی شامل کر کے مزید بھونیں جب چکن اچھی طرح گل جائے مصلحہ بھن جائے اور تیل اوپر آ جائے تو اسے ڈش میں نکال کر اوپر سے ادرک اور ہرا دھنیا چھڑک دیں، گرما گرم نان کے ساتھ چولستانی چکن کڑاہی پیش کریں۔