پیروں میں جلن بلاوجہ نہیں بلکہ خطرناک بیماری کی علامت ہے.. پیروں میں بے چینی یا جلن میں کون سے ٹیسٹ لازمی کروانے چاہئیں؟

اکثر لوگوں کو پیروں میں بے چینی اور جلن محسوس ہوتی ہے. یہ کیفیت کسی بیماری کی علامت ہوسکتی ہے جسے بروقت جاننا ضروری ہے. اس آرٹیکل میں ہم آپ کو ان بیماریوں کے بارے میں بتائیں گے جن کی علامت پیروں میں جلن ہوتی ہے تاکہ آپ ان کا ٹیسٹ کروالیں

ذیابیطس میں پیرو‌ں میں جلن ہونا ایک عام نشانی ہے. یہ کیفیت اکثر رہے تو شوگر ٹیسٹ کروا لینی چاہیے

ریڑھ کی ہڈی سے ہاتھوں، ٹانگوں اور پیروں کو جوڑنے والے اعصاب کو نقصان پہنچنے پر بھی پیروں میں جلن کا احساس ہوتا ہے۔ اعصاب کو گردوں کے مسائل، جوڑوں کے امراض، زہریلے کیمیکلز، انفیکشن اور غذائی مسائل کی وجہ سے نقصان پہنچ سکتا ہے۔

مناسب صفائی نہ ہونے کی وجہ سے پیروں میں فنگل انفیکشن ہوسکتا ہے جس کا نتیجہ پیروں میں چبھن، خارش اور جلن کی صورت نکلتا ہے.

وٹامن بی 12 کی کمی سے بھی پیروں میں جلن کی شکایت ہوسکتی ہے. وٹامن بی 12 گائے کے گوشت، انڈوں، دودھ اور پنیر میں پایا جاتا ہے.

بلڈ پریشر اور ذیابیطس کے مرض میں گردے متاثر ہوتے ہیں جس کا نتیجہ جسم میں سیال جمع ہونے کی صورت نکلتا ہے اور پیروں میں جلن کا احساس ہوتا ہے.

تھائی رائیڈ ہمارے گلے میں موجود ایک گلینڈ ہے جو ہارمونز بناتا ہے لیکن جب وہ مناسب مقدار میں ہارمون نہیں بناتا تو بھی پیروں میں جلن پیدا ہوتی ہے.

صابن، سرف یا کسی بھی کیمیکل سے الرجی کی وجہ سے پیروں میں جلن ہوسکتی ہے.