کولیسٹرول کنٹرول کرنے والی 5 عام غذائیں

کولیسٹرول بڑھنے کی شکایت آجکل ہر تیسرے فرد کو ہو رہی ہے کیونکہ جنک فوڈز کا استعمال دن بہ دن بڑھ گیا ہے اور جو کھانے ہم کھارہے ہیں وہ غذائیت کے اعتبار سے مناسب بھی نہیں ہیں چونکہ اب نہ سبزیوں میں بھرپور غذائیت رہی ہے نہ گوشت میں۔ اس سے متعلق ماہرینِ غذائیت کا کہنا ہے کہ:

'' جسم میں کم کثافتی لیپو پروٹین کی سطح جسے کولیسٹرول کی خطرناک حد کہا جاتا ہے اس کا تناسب بڑھنے کا تعلق غذا اور روزمرہ کی روٹین سے ہے۔ اور اگر آُپ جسم کو مقررہ مقدار کے مطابق پروٹین، لحمیات اور کاربوہائیڈریٹ فراہم نہیں کریں گے تو عنقریب آپ کا نہ صرف کولیسٹرول تیزی سے بڑھے گا بلکہ ساتھ ہی جسم میں ایسے مادوں کی نشوونما بڑھے گی جو براہِ راست آپ کو دل کی بیماریوں میں مبتلا کردیں گے جس کی ابتداء کولیسٹرول کی زیادتی سے شروع ہوتی ہے۔''

ادھیڑعمر کے افراد ہوں یا جوان کولیسٹرول کی زیادتی کا شکار دنیا بھر میں ڈھیروں لوگ ہوگئے ہیں جس پر قابو پانا ایک بڑا مسئلہ بن گیا ہے لیکن اگر ذرا سی نظر اپنے کچن میں دوڑائیں تو روزمرہ ایسی کئی کھانے کی چیزیں ہم استعمال کرتے ہیں جو کولیسٹرول کو کم کرنے کے لئے مفید ہیں لیکن شاید ہمیں ان کی مکمل افادیت کے باترے میں معلوم نہیں ہے۔
اسی لئے آج ہم آپ کو بتارہے ہیں آسانی سے استعمال کی وہ عام چیزیں جو اگر مناسب تناسب سے استعمال کی جائیں تو آپ کی صحت بھی برقرار رہے گی اور کولیسٹرول جیسے ضدی مرض سے بھی بچائیں گیں:

• ہلدی:
ہلدی کی افادیت کے بارے میں آپ کو معلوم ہی ہے کہ یہ اینٹی بیکٹریل اور اینٹی انفلامیٹری ہے اور ساتھ ہی اس میں ایسے مرکبات پائے جاتے ہیں جو جسم میں کولیسٹرول کی سطح کو کنٹرول رکھنے میں آپ کی مدد کرتے ہیں لیکن اگر آپ اس کو کھانے کے علاوہ دودھ کے ساتھ روزانہ استعمال کریں تو یہ نہ صرف جسم کی غذائیت کو مکمل کرتا ہے بلکہ جسم کی چربی بڑھنے سے بھی بچاتی ہے۔

• لہسن:
لہسن میں ایلیسن اور سلفر کی بھرپور مقدار ہوتی ہے جو اینٹی کولیسٹرول کا کام کرتی ہے اور جہاں کولیسٹرول کی سطح میں اضافہ ہوہنے لگتا ہے یہ جسم کے خلیات کو اتنا طاقتور بنادیتا ہے جہاں کولیسٹرول کے بڑھنے کی جگہ نہیں بچتی۔ اس کو کھانا بنانے میں استعمال کریں اور ساتھ ہی نہارمنہ دیسی لہسن چبا کر کھائیں یہ آُپ کے جسم کے لئے بہت مفید ہے۔

• گرین ٹی:
گرین ٹی جہاں ویٹ لوس کا ایک مکمل نسخہ ہے وہیں کولیسٹرول کے لئے بھی ایک مفید حل ہے۔ اس کو پینے سے آنتوں کو بھی سکون ملتا ہے اور ساتھ ہی اضافی کولیسٹرول کو جسم سے خارج کرنے میں آسانی ہوتی ہے۔

• السی کے بیج:
السی میں اومیگا تھری فیٹی ایسڈ پایا جاتا ہے جس کو اگر آپ پکا کر کھائیں تو بھی اور گرم پانی کے ساتھ نگل لیں تو بھی دونوں طرح سے کولیسٹرول کو بڑھنے سے روکنے میں مفید ہے۔

• دھنیا:
دھنیا میں فولک ایسڈ، وٹامن اے، سی، کے اور بیٹا کیروٹن پایا جاتا ہے جوکہ جسم میں اضافی فیٹ، کولیسٹرول اور ایل ڈی ایل بڑھنے نہیں دیتا۔ اس کو آپ رات سونے سے ایک گھنٹہ قبل گرم پانی کے ساتھ استعمال کریں یہ نظامِ ہاضمہ کو بھی بہتر بناتا ہے اور فیٹ کو کنٹرول کرتا ہے۔

Cholesterol Kam Karne Wali Ghizain

Discover a variety of Health and Fitness articles on our page, including topics like Cholesterol Kam Karne Wali Ghizain and other health issues. Get detailed insights and practical tips for Cholesterol Kam Karne Wali Ghizain to help you on your journey to a healthier life. Our easy-to-read content keeps you informed and empowered as you work towards a better lifestyle.

By Laraib  |   In Health and Fitness  |   0 Comments   |   4399 Views   |   20 Jan 2022
About the Author:

Laraib is a content writer with expertise in publishing news articles with strong academic background. Laraib is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 29 March 2024)

کولیسٹرول کنٹرول کرنے والی 5 عام غذائیں

کولیسٹرول کنٹرول کرنے والی 5 عام غذائیں ہر کسی کے لیے جاننا ضروری ہیں کیونکہ یہ ایک اہم معلومات ہے۔ کولیسٹرول کنٹرول کرنے والی 5 عام غذائیں سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔