سحری میں کھجلہ پھینی تو شوق سے کھاتے ہیں؟ کیا آپ کو پتہ ہے اس کو کھانے سے کیا فائدہ ہوتا ہے؟

کھجلہ پھینی کھائے بغیر تو سحری مکمل ہی نہیں ہوتی ہے، رمضان میں کھجلہ پھینی کھانے کا ایک الگ ہی مزہ ہوتا ہے، سحری میں کھانے پینے کی سب ہی چیزیں موجود ہوتی ہیں، مگر سب سے زیادہ اہم چیز کھجلہ پھینی کو کیوں سمجھا جاتا ہے اور اس کے کیا فائدے ہیں؟ آج جانیں کے-فوڈز میں ایسی معلومات جس کے بارے میں جاننا ہر کسی کے لئے بہت ضروری ہے۔

کھجلہ پھینی کیوں ضرروی ہے؟

روزہ ایک ایسی عبادت ہے جس میں خلوصِ نیت کے ساتھ آپ کو خُدا کی بارگاہ میں کم و بیش 9 سے 11 گھنٹے کا سفر بغیر کچھ کھائے پیئے گزارنا ہوتا ہے، ہر شخص کے لئے یہ وقت یکساں نہیں ہوتا کسی علاقے میں 7 گھنٹے کا بھی روزہ ہوتا ہے اور کہیں 8 گھنٹے کا بھی، ایسے میں پورا دن خُدا کی دیگر عبادات اور روزمرہ گھریلو زندگی کے کام کاج کو جاری رکھنے کے لئے جسم کو طاقت کی ضرورت ہوتی ہے، جوکہ کھجلا پھینی میں کثیر مقدار میں پائی جاتی ہے، اس لئے کھجلہ پھینی کا سحری میں کھانا بہت ضروری مانا جاتا ہے۔

فائدے:

٭ اس کو کھانے سے بھوک جلدی نہیں لگتی، پیٹ بھرا رہتا ہے۔
٭ خون کی کمی سے بچانے اور چکر آنے سے بچاتی ہے۔
٭ پیٹ خراب ہونے سے بچاتی ہے اور پیٹ میں موجود کیڑوں کو بھی جلد از جلد باہر نکالنے کا کام کرتی ہے۔
٭ معدے کو درست رکھتی اور جگر کو مضبوط بناتی ہے۔
٭ ڈی ہائیڈریشن اور جسم کی خُشکی سے بچاتی ہے۔