پیروں کی گرمی ختم کرنے کے ٹوٹکے

پیروں کے جلنے یا پیروں میں آگ محسوس ہونے کی دو وجوہات ہیں ؛ایک اعصاب کی خرابی جو ہمیں پتہ نہیں چلتی اور دوسرے ذیابطس یعنی شوگر۔اگر آپ کو لگتا ہے کہ آپ کے پیر جل رہے ہیں یا پیروں میں سے آگ نکل رہی ہے۔تو اس کی وجہ جاننے کے لئے آپ کو ڈاکٹر سے رجوع کرنا پڑے گا ۔اگر اعصاب بہت ذیادہ متاثر ہیں تو اس کا علاج دواؤں سے کرنا ضروری ہے۔ اور اگر آپ کوپیر جلنے کی وجہ پہلے سے معلوم ہے اور آپ اس کا علاج قدرتی طریقوں سے کرنا چاہتے ہیں تو چند ٹوٹکے آپ کے لئے لکھے جا رہے ہیں ۔

غذا میں تبدیلی لائیں
اگر آپ کو شوگر ہے تو آپ کی اس تکلیف کا باعث آپ کی غذا ہے۔اس لئے ایسی غذا کھائیں جس سے آپ کا شوگر لیول نارمل رہے۔اپنی انسولین لینا نہ بھولیں ۔ تین وقت ذیادہ کھانے کے بجائے دن بھر میں تھوڑا تھوڑا کھانا پانچ چھ مرتبہ کھائیں ۔اچھی غذاکے ذریعے شوگر کو کنٹرول کرنا ۔پیروں کی جلن کے لئے بہت مفید ہے۔

سگریٹ نوشی ترک کریں
اعصاب کی کمزوری کی اہم وجہ سگریٹ نوشی ہے،سگریٹ نوشی ترک کرنے سے نروز ذیادہ جلدی بہتر ہونگے۔اور اس طرح آپ کو پیروں کی جلن سے نجات ملے گی۔اگر آپ تمباکو کھاتے ہیں تو اس کو بھی ترک کریں۔

پیروں کو خشک رکھیں
اپنے پیروں کو بے چینی سے بچانے کا ایک گھریلو طریقہ یہ بھی ہے کہ آپ اپنے پیروں کو خشک رکھیں ایسے موزے پہنیں جن میں سے ہوا کا گزر ہو سکے۔اس کے لئے کاٹن کے موزے بہترین ہیں ۔پیروں پر بہت ذیادہ پسینہ نہ آنے دیں ۔اگر آپ کے پیروں پر بہت ذیادہ پسینہ آتا ہے تو تھوڑی دیر کے لئے جوتے اتار کر پیروں کو سکھا لیں ۔

ورزش
اس تکلیف کے باعث بعض اوقات چلنا پھرنا بھی مشکل ہو جاتا ہے ،باقاعدہ ورزش کرنا بھی پیروں کی جلن دور کرنے کے لئے بہترین ہے۔ورزش کرنے سے دوران خون صحیح ہوتا ہے،اور جب خون صحیح طرح گردش کرتے ہوئے پیروں میں پہنچتا ہے تو پیروں کی گر می دور کرنے میں مددگار ثابت ہوتا ہے۔

پیروں کو پانی میں بھگوئیں
پیروں کوٹھنڈے پانی میں بھگوئیں تاکہ خون کا دوران پیروں کی طرف ہو ۔پیروں کو اس وقت تک پانی میں بھگوئیں جب تک جلن ختم نہ ہوجائے پیروں پر خالی برف نہ لگائیں بلکہ ٹھنڈے پانی میں پیروں کو ڈال کر بیٹھیں۔

مساج کریں
اپنے پیروں پر مالش کریں یا کسی اور سے کروائیں۔اس سے بھی پیروں کی طرف دوران خون بڑھے گا،اور پیروں کی جلن کم ہو جائے گی۔پیروں کی جلن سے بچنے کا سب سے بہترین طریقہ یہی ہے کہ پیروں میں خون کا دوران تیز تر ہو۔

ایپسم سالٹ
نیم گرم پانی میں دو تین چمچ ایپسم سالٹ ڈال کر پیروں کو پندرہ منٹ کے لیے بھگوئیں اس طرح کرنے سے آپ کے پیروں کو سکون ملے گا اس سے درد بھی ختم ہوگا ۔
پندرہ منٹ پورے ہونے کے بعد پیروں کو خشک کرلیں ۔ اور پھر چاہیں تو کوئی لوشن لگالیں کیونکہ ایپسم سالٹ آپ کے پیروں کو بہت زیادہ خشک کردے گا۔

الکوحل سے بچیں
الکوحل کا بہت زیادہ استعمال بھی اعصاب کو نقصان پہنچاتا ہے کیونکہ نروزکی ٹوٹ پھوٹ پیروں کی جلن کی بڑی وجہ ہے ۔ اس لیے بہتر ہے کہ الکوحل سے بچنے کی ہر ممکن کوشش کریں۔
اگر آپ اس پر قابو پالیتے ہیں تو نروز کو بہتر ہونے میں مدد ملے گی۔ یہ بھی پیروں کی جلن سے بچنے کا ایک بہتریں ٹوٹکہ ہے۔

لونگ کا تیل
لونگ کا تیل لے کر پیروں پر ملیں ۔ پیروں کی مالش کرنے سے دوران خون بڑھے گا اور تکلیف میں کمی آئے گی ۔ دن میں کم از کم ایک دفعہ کریں۔

کے۔ان پیپر
پسی ہوئی لال مرچ جس کا تعلق شملہ مرچ کی قسم سے ہوتا ہے۔یہ پاؤڈر موزوں میں ڈال کر موزے پہن لیں ۔یہ مرچ آپ کے پیروں کو گرم رکھے گی اور ٹانگوں میں خون کی گردش کو تیز کردے گی۔اگر آپ کے پیر میں کسی قسم کا زخم ہو تو اسے استعمال نہ کریں۔
اوپر لکھے ٹوٹکوں کو استعمال کریں یہ آپ کو پیروں کی جلن سے ضرور آرام پہنچائیں گے ۔

Paon Ki Jalan Ka Ilaj

Discover a variety of Health and Fitness articles on our page, including topics like Paon Ki Jalan Ka Ilaj and other health issues. Get detailed insights and practical tips for Paon Ki Jalan Ka Ilaj to help you on your journey to a healthier life. Our easy-to-read content keeps you informed and empowered as you work towards a better lifestyle.

By Aqib Shahzad  |   In Health and Fitness  |   0 Comments   |   48577 Views   |   13 Aug 2021
About the Author:

Aqib Shahzad is a content writer with expertise in publishing news articles with strong academic background. Aqib Shahzad is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 29 March 2024)

پیروں کی گرمی ختم کرنے کے ٹوٹکے

پیروں کی گرمی ختم کرنے کے ٹوٹکے ہر کسی کے لیے جاننا ضروری ہیں کیونکہ یہ ایک اہم معلومات ہے۔ پیروں کی گرمی ختم کرنے کے ٹوٹکے سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔