باپ اسپتال میں تھا،کالج جانے کے پیسے نہیں تھے پھر بھی ٹاپ کرلیا۔۔ رکشہ ڈرائیور کی بیٹی کی حیرت انگیز کہانی جس نے باپ کا سر فخر سے بلند کردیا

علم کی پیاس صرف امیروں کی میراث نہیں بلکہ یہ ہر محنتی بچے میں موجود ہوتی ہے۔ یہ ثابت کیا بھارت سے تعلق رکھنے والی 2 ایسی لڑکیوں نے جو ہیں تو رکشہ ڈرائیور کی بیٹیاں مگر لگن اور محنت نے انھیں کامیابی کی بلندیوں پر پہنچا دیا۔

"کالج جانے کے پیسے نہیں تھے تو یوٹیوب سے پڑھائی کرتی تھی۔ امتحان سے چند دن پہلے والد کو دل کا دورہ پڑا تو اسپتال میں داخل کرنا پڑا۔ میرا کوئی بہن بھائی نہیں۔ خود ہی والد کے ساتھ اسپتال میں رہتی تھی ان کا خیال رکھتی تھی اور ساتھ ساتھ پڑھائی کرتی تھی۔ امتحان بھی اسپتال سے جا کر دیے تھے"

یہ کہنا ہے بھارت کی ریاست سے تعلق رکھنے والی رامیہ کا جنھوں نے گیارہویں جماعت کے بورڈ کے امتحان میں 95 فیصد نمبر لے کر ٹاپ کیا ہے۔کامیا کا کہنا ہے کہ وہ شروع سے ہی پڑھ کر کچھ بن کر دکھانے کا جذبی رکھتی ہیں تاکہ اپنے والد کی محنت کا صلہ دے سکیں جنھوں نے رکشہ چلا کر بیٹی کو پڑھایا اسی لئے والد کی بیماری پر انھوں نے ان کا خیال تو رکھا لیکن خود مضبوط رہیں۔ کامیا کہتی ہیں میرا کوئی بہن بھائی نہیں اگر میں بھی ٹوٹ جاتی تو امتحان میں کیسے پاس کرپاتی؟

یوٹیوب سے پڑھتی ہوں

میں دن میں 3 سے 11 تک پڑھتی تھی۔ میرے پاس کوئی مدد نہیں تھی یوٹیوب سے لیکچر لے کر پڑھائی کرتی تھی۔ والد کو دل کا دورہ پڑا تو کھانے کی بھی تنگی تھی روٹی کے پیسے بھی نہیں ہوتے تھے۔

بیٹی کی کامیابی دیکھ کر تکلیف بھول گیا ہوں

کامیا کے والد کا کہنا ہے کہ بیٹی کی کامیابی دیکھ کر وہ اپنی بیماری اور تکلیف بھول گئے ہیں۔ دیلان کہتے ہیں کہ مجھے پتہ تھا میری بیٹی محنتی ہے مگر یہ نہیں جانتا تھا کہ وہ اتنے اچھے نمبر لے گی۔اس نے میری دیکھ بھال بھی کی اور ٹاپ بھی کیا اس نے وہ سب کیا جو کسی باپ کا سر فخر سے بلند کرسکتا ہے۔ میں اب اپنی بیٹی کو کسی اچھے کالج بھیجنا چاہتا ہوں۔

اسی طرح کچھ عرصہ پہلے پریما جیا کمار نے پورے بھارت میں چارٹرڈ اکاؤنٹیسی کے امتحان میں ٹاپ کیا ہے۔ پریما کا تعلق بھی تامل ناڈو سے ہے۔ ان کے والد 20 سال سے رکشہ چلا رہے ہیں اور اپنے 3 بچوں کا پیٹ پال رہے ہیں۔