اولاد دیر سے ہونا یا نہ ہونا۔۔ مہنگے ٹماٹر مردوں میں بڑھتے ہوئے بانجھ پن کا آسان علاج، جانیں ٹماٹر میں ایسی کیا خاص بات ہے؟

آج کل ٹماٹروں کی قیمتیں آسمان سے باتیں کر رہی ہیں، کھانا پکانے کے لئے بھی اس کو استعمال کرنا مشکل ہوگیا ہے اگر ایسے ہی ٹماٹر مہنگے ہوتے گئے تو ایک وقت آئے گا یہ قیمتی سبزیوں میں ہی شمار ہوں گے۔ ہر پھل اور سبری کا اپنا الگ فائدہ ہے اور یہی وجہ ہے کہ ان کا ذائقہ بھی ایک دوسرے سے منفرد ہے۔
ہم نے پہلے کئی مرتبہ آپ کو ٹماٹروں کے فائدے بتائے ہیں کبھی صحت کے اعتبار سے تو کبھی جلد کی خوبصورتی کو بڑھانے کے لئے، کبھی جسم کے درد کو ختم کرنے کے لئے تو کبھی کلیننگ کے لئے۔
لیکن آج ہم آپ کو بتانے جا رہے ہیں کہ ٹماٹر بانجھ پن کو کیسے دور کرتا ہے؟ بانجھ کی اصطلاح صرف ایک خاتون کے لئے استعمال کرنا درست نہیں ہے کیونکہ بعض اوقات کمی مردانہ جسم میں بھی ہوتی ہے جس پر کوئی دو رائے نہیں ہے اور یہ کوئی ایسی بیماری نہیں ہے جس کا علاج ممکن نہ ہو۔

ٹماٹر اور مردانہ بانجھ پن:

ٹماٹروں میں پایا جانے والا اجزاء لائیکوپین مرد انہ سپرم کی صلاحیت میں بہتری لاتا ہے۔
حالیہ تحقیق کے مطابق صحت مند مرد دن میں ایک مرتبہ ٹماٹر کے پیسٹ کے 2 چمچے اگر کھائیں تو ان کے مادّہ تولید کی صلاحیت اور صحت پہلے سے زیادہ بہتر ہو جاتی ہے۔ اگر آپ یہ پیسٹ نہیں کھان اچاہتے لیکن اسی مقدار میں لائیکو پین حاصل کرنا چاہتے ہیں تو آپ کو 2 کلو پکے ہوئے 1 دن میں کھانے ہوں گے۔
ایسے جوڑے جو بے اولاد ہوتے ہیں ان میں سے اب نصف مردوں کی بچہ پیدا کرنے کی صلاحیت کمزور ہوتی ہے جو لائیکوپین کی کمی کی وجہ سے بھی ہوتی ہے، لہٰذاایسے میں ٹماٹر کا استعمال کرنا نہ بھولیں۔
نیوٹریشنل جنرل آف ہیلتھ کی رپورٹ کے مطابق وہ مرد حضرات جو سمجھتے ہیں کہ انہیں ڈاکٹری علاج نہیں کروانا چاہیے اور حکیمی نسخوں پر چلنا چاہیے تو اس کے لئے یہ ضروری ہے کہ وہ کھانے پیسے اور متوازن غذا کے لئے خود کو تیار کریں اور قدرتی اجناس کھانے پر زور دیں کیونکہ بعض اوقات بہتر طرزِ زندگی نہ ہونا جنسی مسائل کو جنم دیتاہے۔