شعیب کو پہلے ہی کہہ دیا تھا کہ برا پھنسے ہو۔۔ طلاق کی خبروں کے بعد فردوس عاشق اعوان کا ثانیہ اور شعیب کے بارے میں انکشاف

“جس وقت شعیب ملک کی شادی ہورہی تھی تو اس نے ضد کی کہ آپ لوگ میرے ساتھ بارات میں جائیں گے۔ شعیب نے کہا تھا کہ اس کی دلہن کو انڈیا سے لانے ساری فیملی جائے گی اور چونکہ میں بھی خاندان کا حصہ تھی اور ان دنوں ایم این اے تھی تو اس نے مجھ سے کہا تھا کہ دلہن ثانیہ کو سونے کا تاج میں ہی پہناؤں گی“

یہ کہنا ہے سابق وفاقی وزیر فردوس عاشق اعوان کا جنھوں نے حال ہی میں ایک کامیڈی پروگرام میں شرکت کی۔ فردوس عاشق اعوان کا کہنا تھا کہ شعیب ملک ان کے رشتے داروں میں سے ہیں۔

شعیب اور ثانیہ کی شادی کے حوالے سے بات کرتے ہوئے فردوس عاشق اعوان نے بتایا کہ میں نے تو پہلے دن ہی شعیب کے کان میں یہ کہہ دیا تھا کہ پُتر بڑا برا پھنسے ہو، کیونکہ مجھے صورتحال نظر آگئی تھی لیکن چونکہ ان دونوں کی محبت کی شادی تھی اس لیے دونوں نے ہی کافی کمپرومائز کیا اور تیسری جگہ دبئی کو اپنا ٹھکانہ بنایا کہ نہ حیدرآباد میں رہیں گے نہ سیالکوٹ میں۔ شعیب نے شادی چلانے کی بہت کوشش کی تھی لیکن میں جو وہاں دیکھ آئی تھی اسی سے اندازہ ہوگیا تھا کہ محبت کا بھوت ہے“

واضح رہے کہ ان دنوں شعیب ملک اور ثانیہ مرزا کی طلاق اور علیحدگی کی خبریں تیزی سے گردش کررہی ہیں۔ یہاں تک کہ شعیب ملک نے اپنے انسٹاگرام اکاؤنٹ کے بائو سے ثانیہ کا نام بھی ہٹا دیا ہے۔