سرمئی مچھلی کو سردی میں کیوں کھانا چاہیے؟ بناء کانٹے کی اس مچھلی کے سر اور گوشت میں چھپے وہ خاص فائدے جو ہر عام انسان کو معلوم ہونے چاہیئیں

سرمئی مچھلی میں ایک بھی کانٹا نہیں ہوتا صرف اور صرف درمیان میں ایک ہڈی ہوتی ہے اور اس کو کاٹنے میں بھی زیادہ مشکل نہیں ہوتی اور نہ کھانے میں۔ یہ عموماً دیگر مچھلیوں کے مقابلے میں دام میں بھی زیادہ ہے لیکن اس میں کانٹے نہیں ہیں اس لیے لوگوں کو یہ کھانا زیادہ پسند آتا ہے۔ سرمئی مچھلی پر اگر غور کیا جائے تو ایک پر لکیریں بنی ہوتی ہیں کالی سرمئی ہوتی ہے دونوں سرمئی ذائقہ میں اچھی ہوتی ہیں۔

سرمئی مچھلی سے متعلق کچھ دلچسپ معلومات:

سر میں چھپے راز:

٭ سرمئی مچھلی میں اومیگا تھری بڑی مقدار میں پایا جاتا ہے جس کی زیادہ تر مقدار اسکے سر میں پائی جاتی ہے، لہٰذا وہ لوگ جن کو خارش یا چنبل کی پریشانی ہوتی ہے وہ اس کے سر کو خوب کھائیں۔

٭ اس میں کولیجن زیادہ پایا جاتا ہے جو آپ کے جلدی مسائل کو کنٹرول کرنے کے ساتھ ساتھ دماغ کو بھی تقویت پہنچاتا ہے۔

٭ سر کی ہڈیوں میں گودے نما مادہ گاڑھا پایا جاتا ہے جس سے بلڈ پریشر کے مسائل کنٹرول کرنے میں مدد ملتی ہے۔

سرمئی مچھلی کیوں کھانی چاہیے؟

اس مہنگے فائدے والی مچھلی کو سردی میں کھانے سے کپکپاہٹ یا کمزوری کی شکایت کم ہوتی ہے۔ وٹامن بی تھری، پروٹین، سیلینیئم اور دیگر کیمیائی خواص موجود ہونے کی وجہ سے یہ مچھلی جسم کو بھرپور توانائی پہنچاتی ہے۔

احتیاط:

اگر آپ کو کوئی سستی سرمئی مچھلی دے رہا ہو تو پہلے اس سے تسلی سے پوچھ لیں کہ وہ سرمئی ہی دے رہا ہے یا کوئی اور سی مچھلی دے رہا ہے کیونکہ بالکل سرمئی کی طرح ایک مچھلی اور بھی دستیاب ہوتی ہے جس کا نام کلگاری ہوتا ہے اور وہ دام میں اس سے کم ہوتی ہے اور ذائقہ بھی اس جیسا خاص نہیں ہوتا۔