بدلتے موسم میں نزلہ اور زکام سے کیسے چھٹکارا پایا جائے ۔۔ جانیئے چند آسان اور مؤثر گھریلو طریقے

جیسے ہی ٹھنڈی اور سرد ہواؤں کا سلسلہ شروع ہوتا ہے موسم کے ساتھ ساتھ انسانی صحت میں بھی بدلاؤ آتا ہے اور آپ نزلہ کھانسی اور زکام کا شکار ہو جاتے ہیں، ایسے میں کچھ ایسی احتیاطی تدابیر ہیں جن کو اختیار کر کے آپ نزلہ زکام سے بچ سکتے ہیں۔
نزلہ کھانسی اور زکام سے بچنے کے لئے سب سے پہلے تو ضروری ہے کہ صاف صفائی کا خیال رکھا جائے اور نچند ایسی عادتیں اپنائیں جو یہاں ہم آپ کو بتانے والے ہیں آیئے تو پھر شروع کرتے ہیں۔

• نزلہ زکام سے بچنے کے لئے احتیاطی تدابیر

ماہرین کے مطابق نزلہ اور زکام سے بچنے کے لئے ضروری ہے کہ آپ اپنے گلے کو خشک نہ ہونے دیں اور تَر رکھیں اس طرح جراثیم پر منفی اثر پڑتا ہے اور ان سے حفاظت کا ذریعہ بنتا ہے۔
اس کے علاوہ جیسے ہی سردی کے موسم کا آغاز ہو آپ یہ عادت بنا لیں کہ گرم پانی سے نہائیں ساتھ ہی گرم پانی کی بھانپ بھی ضرور لیں ایسا کرنے سے آپ جراثیموں سے بھی محفوظ رہتے ہیں اور سرد ہوائیں آپ کو نقصان نہیں پہنچا پاتی۔
نزلہ زکام سے چھٹکارا حاصل کرنے کا تیسرا مؤثر طریقہ یہ ہے کہ وٹامن سی کی مقدار مکمل لی جائے یا ایسے کھانے جن میں وٹامن سی شامل ہو ترش پھل، جیسے انار، انگور، کینو، سیب، وغیرہ کھایا جائے اور ان کے جوس کا استعمال بھی کیا جائے۔
ساتھ ہی یہ بھی ضروری ہے کہ گرم مشروبات جیسے قہوہ وغیرہ باقاعدگی سے استعمال کیا جائے یخنی اور سوپ کا استعمال کیا جائے، جو مدافعتی نظام کو مضبوط بناتے ہیں اور ان سے نزلہ زکام کو بھی دور کرنے میں مدد ملتی ہے۔
لیکن اگر آپ نزلہ اور زکام میں مبتلا ہو چکے ہیں تو ہمارے بتائے ہوئے چند گھریلو نسخے آزما کر اس سے ریلیف حاصل کر سکتے ہیں۔

نزلہ زکام سے چھٹکارا حاصل کرنے کے گھریلو طریقے

• ماہرین کا مشورہ ہے کہ ان موسمی بیماریوں کی روک تھام کے لیے شہد اور لیموں فائدہ مند ثابت ہوسکتے ہیں، بس ایک کپ گرم پانی میں چند قطرے لیموں اور چمچ شہد ڈال کر پی لیں اس سے نزلہ زکام دور کیا جا سکتا ہے۔
لیموں کے عرق میں وٹامن سی ہوتا ہے جو کہ نزلہ زکام سے نجات دلاتا ہے، اسی طرح شہد گلے کی خراش پر قابو پانے میں مدد دیتا ہے۔
• اس کے علاوہ جوشاندہ کا استعمال بھی نزلہ زکام دور کرنے کے لئے سب سے بہترین طریقہ ہے۔
• جب نزلہ و زکام ہو تو دودھ میں ہلدی، تھوڑا سا ادرک کا رس اور چٹکی بھر پسی کالی مرچ ملا کر پی لیں تو اس بھی نزلہ و زکام میں خاصا فرق پڑ جاتا ہے۔
• اس کے ساتھ ہی اگر پیاز کاٹ کر اسے پاؤں کے تلووں میں ملا جائے تو یہ بھی نزلہ زکام دور کرنے کا بہترین ٹوٹکا ثابت ہوگا۔
• جبکہ ایک کپ گرم پانی میں دو سے تین کھانے کے چمچ سیب کا سرکہ اور حسبِ ضرورت شہد ملا کر پئیں یہ بھی نزلہ زکام دور کرنے کا ایک آزمودہ علاج ہے۔
• وٹامن سی کا زیادہ سے زیادہ استعمال، صبح سویرے دھوپ میں بیٹھنا اور تیز پیاز کی خوشبو نزلہ و زکام کا بہترین علاج ہے۔