لوگ مذاق اڑاتے تھے اس لئے 36 کلو وزن کم کرلیا۔۔ امبر خان کی بیٹی نے صرف 6 ماہ میں موٹاپا کیسے کم کیا؟ جانیں

وزن کم کرنا ایک صبر آزما اور طویل مرحلہ ہے لیکن کچھ ایسے بھی لوگ ہوتے ہی جو اپنی مضبوط قوت ارادی سے یہ کام چند ماہ میں ہی انجام دے دیتے ہیں اور اسمارٹ ہو کر آس پاس کے لوگوں کو حیران کر دیتے ہیں۔

“میں نے صرف 6 مہینے میں 36 کلو وزن کم کیا ہے۔ اس کی وجہ انٹرمیٹٹنٹ فاسٹنگ تھی۔ میں 18 گھنٹے تک کچھ نہیں کھاتی تھی“

یہ کہنا ہے مشہور ٹی وی میزبان امبر خان کی بیٹی الیزے خان کا جنھوں نے حال ہی میں اپنا وزن بہت زیادہ کم کرکے سب کو حیران کردیا ہے۔ امبر خان نے اپنے ئوٹیوب وی لاگ میں الیزے کے وزن کم کرنے کے کچھ ایسے طریقے بتائے ہیں جن سے آپ بھی فائدہ اٹھا سکتے ہیں۔

الیزے نے بتایا کہ جب انھوں نے ندا یاسر کے مارننگ شو میں شرکت کی اور واپس آکر اپنا پروگرام یوٹیوب پر دیکھا تو وہاں اپنے موٹاپے پر تنقید نے انھیں دلبرداشتہ کردیا تھا جس کے بعد انھوں نے وزن کم کرنے کی ٹھانی۔ واضح رہے کہ اس سے پہلے بھی وہ وزن کم کرچکی تھیں جس میں وہ کچھ بھی نہیں کھاتی تھیں۔ اس لئے جتنی جلدی ان کا وزن کم ہوا تھا اتنی تیزی سے ہی ان کا موٹاپا پہلے سے بھی زیادہ بڑھ کر واپس آگیا تھا اس لئے اس بار انھوں نے انٹرمیٹٹنٹ فاسٹنگ کی۔

اس بارے میں الیزے نے بتایا کہ وہ رات کو کھانا کھاتی تھیں اور پھر اگلے دن دوپہر میں وہ کبھی کیلا یا پھر دودھ میں 2 سے 3 چمچ دلیہ ڈال کر کھاتی تھیں اور اس کے بعد جم چلی جاتی تھیں۔ الیزے نے بتایا کہ دلیہ کھانے کا مقصد ان کا یہ ہوتا تھا کہ جسم میں فائبر جائے کیوں کہ فائبر وزن نہیں بڑھاتا اور پیٹ بھی بھرا ہوا محسوس ہوتا ہے۔

جم سے واپسی کے بعد الیزے 45 منٹ تک کچھ نہیں کھاتی تھیں اور ڈیٹوکس جوس بنوا کر پیتی تھیں جس میں آدھا سیب، تھوڑا سا پودینہ اور کھیرا وغیرہ بنا کر پیتی تھیں۔ اس کے بعد وہ تھوڑا سا کھانا کھاتی تھیں اور پھر 18 گھنٹے تک کچھ نہیں کھاتی تھیں۔ الیزے کا کہنا تھا کہ بغیر ڈائیٹنگ کیے صرف ورزش سے وزن کم کرنا ممکن نہیں ہے اس لئے ورزش کے ساتھ ڈائٹنگ کرنی ضروری ہے۔

By Khush Bakht  |   In Health and Fitness  |   0 Comments   |   1194 Views   |   04 Jan 2023
Related Articles
Top Trending
Comments/Ask Question

Read Blog about لوگ مذاق اڑاتے تھے اس لئے 36 کلو وزن کم کرلیا۔۔ امبر خان کی بیٹی نے صرف 6 ماہ میں موٹاپا کیسے کم کیا؟ جانیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (لوگ مذاق اڑاتے تھے اس لئے 36 کلو وزن کم کرلیا۔۔ امبر خان کی بیٹی نے صرف 6 ماہ میں موٹاپا کیسے کم کیا؟ جانیں) and how to utilize other natural ingredients to cure diseases, easy recipes, and other information related to food from KFoods.