ماہرہ خان دوسری شادی کر رہی ہیں ۔۔ خوبصورت اداکارہ کا ہونے والا شوہر کون ہے اور شادی کب ہوگی؟

ماہرہ خان ایک خوبصورت پاکستانی ٹیلی ویژن اور فلمی اداکارہ ہیں۔ انہوں نے لاتعداد سپر ہٹ پروجیکٹس کیے ہیں جن میں ہمسفر، بول، صدقے تمہارے، بن روئے اور سپر اسٹار شامل ہیں۔ ان کے حالیہ ڈرامے ہم کہاں کے سچے تھے نے بہت مقبولیت حاصل کی۔ وہ ایک فیشن پورٹل، کپڑے کا ایک برانڈ اور ایک پروڈکشن ہاؤس بھی چلا رہی ہے۔

ماہرہ خان ایک سنگل مدر ہیں جو اکیلے اپنے بیٹے ازلان کی پرورش کرتی آرہی ہیں۔ ان کے مداحوں کی یہ خواہش تھی کہ وہ دوسری شادی کر لیں۔

تو بس اب کے انہی مداحوں کیلیئے ماہرہ خان کی جانب سے ایک خوشخبری منظر عام پر آئی ہے، کیونکہ ان کی شادی کی خبریں انٹرنیٹ پر گردش کر رہی ہیں۔

تفصیلات کے مطابق، ماہرہ خان ستمبر 2023 میں اپنے طویل المدتی دوست سلیم کریم سے شادی کر رہی ہیں، دونوں کافی عرصے سے ایک دوسرے کے ساتھ ایونٹ اور پارٹیز وغیرہ میں نظر آ رہے ہیں۔

ماہرہ خان کے مداح پہلے ہی ان کی شادی کی خبروں کا انتظار کر رہے تھے اور اب وہ بہت خوش ہیں۔

ذرائع کے مطابق، وہ اگلے ماہ فیملی اور قریبی دوستوں کے ایک چھوٹے سے فنکشن میں شادی کر رہے ہیں۔ شادی کی تقریب کا اہتمام پنجاب کے ایک ہل سٹیشن پر کیا جائے گا۔ یہ خبر انسٹاگرام پیج میگا لائف اسٹائل ڈاٹ ٹی وی نے شیئر کی۔