ادرک کی چائے کیسے آپ کے شوگرکو کنٹرول کر سکتی ہے؟ جانیئے اس کے چند بہترین فائدے

شوگر ایک ایسا مرض ہے جو انسان کو کئی اور بیماریوں میں مبتلا کر دیتا ہے جس کے بارے میں ہمیں معلوم بھی نہیں ہوتا کیونکہ شوگر ہمارے خون اور لبلبے پر اثرانداز ہوتی ہے جس سے جسمانی طور پر کئی پیچیدگیاں ہو جاتی ہیں، ایسے میں انسان کچھ بھی کھائے وہ فائدے سے زیادہ نقصان دے جاتا ہے۔ ایسے صورتحال میں ادرک کی چائے آپ کی بڑی مدد کرسکتی ہے، آج کے-فوڈز میں جانیئے کیسے شوگر کے مرض میں مبتلا افراد اس کو کنٹرول کرنے کے لئے استعمال کر سکتے ہیں۔

فائدے:

٭ ادرک کی چائے کو پینے سے آپ کا شوگر نارمل رہتا ہے اور کبھی بھی بڑھتا نہیں ہے اس کی وجہ یہ ہے کہ اس میں انسولین کنٹرول انزائمز پائے جاتے ہیں۔
٭ صبح نہارمنہ ادرک کی چائے پینے سے جسم میں فشارِ خون بہتر رہتا ہے اور جسم کی تمام تر اضافی شوگر براستہ اخراج ختم ہو جاتی ہے۔
٭ شوگر سے جسم میں سوجن کا مسئلہ بڑھ جاتا ہے اور ادرک کی چائے اینٹی سوجن کہلاتی ہے، یہ جسم میں موجود ہوا اور فاضل چربی کو بیک وقت خارج کرتی ہے، جس سے سوجن کے تمام مسائل جلدی ہی کنٹرول ہو جاتے ہیں۔
٭ کسی بھی قسم کی چوٹ شوگر کے مریضوں کے لئے خطرناک ثابت ہوتی ہے، ایسے میں ادرک کی چائے میں چٹکی بھر ہلدی مکس کرکے پیئیں اور سارے زخموں کو جلد از جلد بھریں تاکہ شوگر کے اس خطرناک سائیڈافیکٹ سے بچ سکیں۔

چائے بنانے کا طریقہ:

ادرک کی چائے بنانے کے لئے آپ کو چاہیئے 2 کپ پانی، ایک انچ کا ادرک کا ٹکڑا اور حسبِ ضرورت چینی۔
٭ 2 کپ پانی کو ابالنے کے لئے رکھیں، اس میں ادرک ارو چینی ڈال کر 10 منٹ ابالیں اور جوش آنے پر سروو کیجیئے۔