انگوروں کو تیل میں فرائی کیا اور پھر ۔۔ کھٹے میٹھے انگوروں سے کونسی ریسیپی تیار کرلی گئی جس کے لوگ دیوانے ہوگئے؟ ویڈیو دیکھیں

کبھی کبھار کھانے کی نئی ترکیب دوسروں کو بہت پسند آجاتی ہے اور وہ دوبارہ وہی ڈش بنانے کا مطالبہ کرتے ہیں۔ اب جیسے بھارت میں انگوروں کو تیل میں ڈال کر میٹھی ڈش تیار کی گئی اور مہمانوں کے سامنے پیش کیا گیا۔ اور وہ مہمانوں کا اتنی پسند آئی ک دیکھتے ہی دیکھتے یہ ریسیپی سوشل میڈیا پر وائرل ہوگئی۔

عام طور پر پھلوں کا استعمال دھو کر کیا جاتا ہے، کوئی ٹھنڈا کر کے کھاتا ہے تو کوئی کریم میں ڈال کر۔

مگر کیا کبھی آپ نے سنا ہے کہ پھل کو فرائی کر کے ایک نئی ڈش بنائی گئی ہو؟اس منفرد ڈش نے سب کی توجہ خوب سمیٹ لی ہے۔

سوشل میڈیا پر اپلوڈ ویڈیو میں منفرد ڈش سے متعلق بتایا گیا ہے۔

اس ویڈیو میں دیکھا جا سکتا ہے کہ پہلے انگوروں کو توے میں موجود کھولتے تیل میں ڈالا گیا،گرما گرم تیل میں جیسے ہی انگور گئے تو ان کا رنگ بھی تبدیل ہونا شروع ہو گیا۔

پھر چھلنے کی مدد سے انگوروں کو پانی میں ڈال دیا گیا، آئل میں تلے ہوئے انگوروں کو بعد میں علیحدہ کرلیا۔ شروعات میں یوں لگ رہا تھا گویا کہ انگوروں کو اچار میں استعمال کیا جائے گا۔

تاہم مکسر گرینڈر میں انگوروں کو ڈال دیا گیا، اسی میں بادام، کاجو، تل، دودھ شامل کیا گیا، اس کے بعد توے پر دیسی گھی اور چینی ڈالی گئی جیسے ہی شیرا بن گیا تو اس میں سوجی ڈال دی گئی۔

اس کے بعد اس سوجی والے مکسچر میں انگوروں والا مکسچر ڈال دیا گیا، جسے اچھی طرح تیار کیا گیا اور پھر تھوڑا مزید دودھ شامل کیا گیا۔

جس کے بعد یہ ڈش کچھ حلوے جیسی صورت اختیار کر گئی، یہ میٹھی ڈش مقامی طور پر خاصی مشہور ہے، جسے مہمانوں کے سامنے پیش کیا جاتا ہے، جبکہ اسے خصوصی مواقع پر بھی بنایا جاتا ہے۔