موسم بدلتے ہی کھانسی اور چھینکیں شروع۔۔ الرجی کو پالنے کے بجائے یہ چیزیں بھی آزمالیں

ہم سب ہی الرجی کا شکار ہوتے رہتے ہیں اس کی وجہ حساسیت اور حد سے بڑھی ہوئی آلودگی ہے جو ہماری جلد اور جسم کے اندرونی اعضاء پر اثر انداز ہوتی ہے۔ البتہ قدرت کے خزانے میں ایسی بہت سی چیزیں ہیں جو ہمیں الرجی سے بچا سکتی ہیں اور ان کے اثرات سے بھی محفوظ رکھ سکتی ہیں۔ آئیے جانتے ہیں ان عام چیزوں کے بارے میں۔

پودینہ

پودینے کی پتیوں کو ابال کر قہوہ بنا کر پینے سے سانس کی نالی کو آرام ملتا ہے۔ پودینے کی تاثیر ٹھنڈی ہوتی ہے اس لئے اس کا تیل اور پانی چہرے کے دانوں پر لگانا بھی فائدہ مند ہے۔ یہ جلد کی الرجی ختم کرتا ہے اور جراثیم کش ہوتا ہے۔

ہلدی

ہلدی اینٹی بیکٹیریل اور اینٹی فنگل مصالحہ ہے۔ یہ جسم میں قوت مدافعت بڑھاتی ہے۔ ہلدی کو چوٹ پر لگانے سے انفیکشن نہیں ہوتا جبکہ اس کو دودھ میں ڈال کر کھانے سے جسم کے اندر الرجی کے خلاف مدافعت بڑھتی ہے۔

تلسی کی پتیاں

تلسی کے پتے چپانے سے الرجی کا خاتمہ ہوتا ہے اور یہ ذہنی تناؤ کو کم کرنے میں بھی مددگار ہے۔

نیم

نیم کی پتیوں کو پانی میں ڈال کر نہانے سے جلس سے جراثیم ختم ہوتے ہیں اس کے علاوہ نیم کے تیل اور ناریل کے تیل کو ہم وزن ملا کر لگانے سے بھی الرجی کا خاتمہ ہوتا ہے۔

ادرک

نزلہ، زکام اور کھانسی میں ادرک کا قہوہ بھی مفید ہے۔ کھانسی اور چھینکوں کی صورت میں ادرک، دار چینی اور شہد کا قہوہ پئیں۔