بڑھتی ہوئی شوگر اور وزن دونوں خطرناک ہیں لیکن کچن میں موجود کچھ مصالحے آپ کی بڑی مشکل آسان کرسکتے ہیں

شوگر کا مرض آجکل نوجوانوں میں بھی تیزی سے بڑھ رہا ہے مگر اس کا علاج محض دوائیاں ہی نہیں ہیں کیونکہ لوگ سمجھتے ہیں کہ دوائیاں جلدی اثر کرتی ہیں اور اس چکر میں ہزاروں روپے کی دوائیاں کھا لیتے ہیں مگر شوگر اپنے وقت سے کنٹرول ہوتی ہے اور کچھ ایسے بھی لوگ ہیں جو پرہیز نہیں کرتے ہیں میٹھی میٹھی چیزیں کھالیتے ہیں کوئی کولڈ رنک پیتا تو کوئی چاکلیٹ اور دیگر مٹھائیاں کھاتے رہتے ہیں ان کا خیال ہوتا ہے کہ شوگر کی گولیاں کھا لیں گے یا پھیکی چائے پی لیں گے تو گزارہ ہو جائے گا لیکن شوگر ایک خاموش موت ہے اس بات کا اندازہ ہمیں بلکل بھی نہیں ہے اور وہ لوگ جن کا جگر کمزور ہے، صحیح سے کام نہیں کرتا ہے تو ان کے لئے شوگر کا ہونا ایک بہت مسئلے والی بات ہے اس لئے دوائیاں بھی آپ ضرور استعمال کریں مگر کوشش کریں کہ قدرتی چیزوں سے خود کی صحت بڑھائیں۔ آج کے-فوڈ سے جانیئے کچن میں موجود 5 چیزوں سے شوگر کوکنٹرول کرنے کی زبردست ٹپس جو وزن بھی کنٹرول کرتی ہیں اور انسولین کو بھی بڑھنے نہیں دیتی ہیں۔

٭ اجزاء:

٭ السی کے بیج:

السی کے بیجوں میں فائبر، صفر کولیسٹرول اور 7 فیصد شوگر پائی جاتی ہے ۔ اس کو روزانہ صبح ناشتے سے قبل خالی پیٹ ایک چمچ گرم پانی سے کھا لیں۔ اس سے خون میں شوگر کی مقدار کنٹرول ہو جاتی ہے۔

٭ اسپغول:

اسپغول میں سیر شدہ اور غیر سیر شدہ فائبر اور فیٹ پائی جاتی ہے جو کہ پانی کے ساتھ استعمال کرنے پر ایک جیل نما مادہ تیار کرتی ہے جو کہ جسم میں موجود ہر قسم کی شوگر اور اضآفی نمکیات کو اپنے اندر جزب کرکے باآسانی خارج کر دیتی ہے، اس لئے اسپغول کو نیم گرم پانی کے ساتھ استعمال کرنے سے آپ کا شوگر بھی نارمل ہو جاتا ہے اور وزن بھی نہیں بڑھتا ہے۔

٭ دارچینی:

دارچینی کے بے شمار فوائد کے-فوڈ آپ کو پہلے بھی بتا چکا ہے اور آج پھر سے ہم آپ کو بتا رہے ہیں کہ اپنی روزمرہ کی غذا میں دارچینی کا استعمال رکھیں یہ آپ کو شوگر جیسے مسائل سے بچاتی ہے۔

٭ تلسی کے پتے:

تلسی کے پتے عموماً خواتین کچن میں رکھتی ہیں کیونکہ کھانا بنانے میں یہ بھی کام آتے ہیں۔ یہ اینٹی آکسیڈنٹس ہوتے ہیں۔ ان کے اندر ایسی کیمیائی خصوصیات پائی جاتی ہیں جو معدے کے اندر جا کر اس کو صاف کرتے ہیں اور خون میں انسولین کی مقدار کو فوری کم کرتے ہیں۔ روزانہ دن میں کسی بھی وقت 3 پتے تلسی کے کھانے سے یا ان کا جوس پینے سے آپ کا کولیسٹرول بھی کنٹرول ہو جاتا ہے اور شوگر بھی۔

٭ ہلدی اور ادرک:

ہلدی اور ادرک دونوں اینٹی بیکٹریل اور اینٹی آکسیڈنٹس ہیں جن میں وٹامن اے، سی، ڈی پایا جاتا ہے اور فائبرز کی بھرپور مقدار ہوتی ہے جو شوگر کو کنٹرول کرنے میں آپ کی مدد کرتے ہیں۔ ایک چمچ ہلدی، ایک کپ دودھ اور ایک انچ کا ٹکڑا ادرک مکس کریں اور اس کو 2 سے 3 سیکنڈ کے لئے ابال لیں پھر روزانہ صبح ناشتے سے قبل پی لیں یہ آپ کو تروتازہ بھی رکھے گا اور شوگر کو کنٹرول کرنے کے ساتھ ساتھ وزن بھی بڑھنے نہیں دے گا۔

By Humaira    |    In Health and Fitness   |    0 Comments    |    19827 Views    |    04 Jul 2021

Comments/Ask Question

Read Blog about بڑھتی ہوئی شوگر اور وزن دونوں خطرناک ہیں لیکن کچن میں موجود کچھ مصالحے آپ کی بڑی مشکل آسان کرسکتے ہیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بڑھتی ہوئی شوگر اور وزن دونوں خطرناک ہیں لیکن کچن میں موجود کچھ مصالحے آپ کی بڑی مشکل آسان کرسکتے ہیں) and how to utilize other natural ingredients to cure diseases, easy recipes, and other information related to food from KFoods.