کیا آپ جانتے ہیں کہ سونف کی چائے سے اپنے دن کا آغاز کرنے سے آپ کو صحت کےکونسے حیرت انگیز فوائد حاصل ہوتے ہیں؟

سونف بہت ہی خوشبودار بیج ہوتے ہیں جنہیں پاک و ہند میں صدیوں سے قدرتی نسخوں اور دواؤں میں استعمال کیا جاتا رہا ہے سونف کو خشک کر کے اس سے خوشبو دار چائے بھی بنائی جاتی ہے سونف کی چائے میں آپ کی صحت سے جُڑے کون سے راز چھُپے ہیں آیئے آج ہم آپ کو بتاتے ہیں۔

سونف کی چائے کے صحت پر فوائد

سونف وٹامن اے، بی کمپلیکس، سی، ڈی، امینو ایسڈ اور متعدد دیگر غذائی اجزاء سے مالا مال ہے سونف صحت کے بہت سے فوائد پیش کرتی ہے اور اسے آپ کی روزانہ کی خوراک کا حصہ ہونا چاہیئے۔

• قوت مدافعت بڑھائے

آپ کو اپنی قوتِ مدافعت میں اضافہ کرنے کی پہلے سے کئی زیادہ ضرورت ہے اور اس کے لئے ضروری ہے کہ آپ اپنی غذا کا خیال رکھیں، اپنے مدافعتی نظام کو مضبوط بنانے کے لئے سونف کی چائے کا استعمال بےحد مفید ہے سونف میں وٹامن سی ہوتا ہے جو آپ کی قوتِ مدافعت بڑھانے کا کام کرتا ہے سونف کی چائے میں میں اینٹی مائکروبیل خصوصیات بھی موجود ہوتی ہیں جو قوت مدافعت کو مضبوط بنانے میں مدد کرتی ہیں۔

• ہاضمے کے مسائل کا علاج

سونف کے بیجوں میں ہاضمہ بڑھانے والی خصوصیات ہوتی ہیں، اس میں موجود فائبر بڑی آنت کی صحت کو بہتر بنا کر اس کی کارکردگی بڑھاتا ہے، سونف کی چائے کے استعمال سے خون کی گردش بہتر ہوتی ہے اور نظامِ ہاضمہ سے جُڑے تمام مسائل حل ہوتے ہیں، سونف کی چائے پینے سے چڑچڑاپن والے آنتوں کے سنڈروم کو بھی دور کیا جا سکتا ہے۔

• وزن کم کرنے میں مددگار

اگر آپ اپنے اضافی وزن سے چھٹکارا چاہتے ہیں تو فوری سونف کی چائے کا استعمال شروع کر دیں، سونف کی چائے کے استعمال سے جسم کی اضافی چربی بہت تیزی سے گھلتی ہے اور یہ جسم سے وزن بڑھانے والے مادوں کو بھی خارج کرتی ہے اس سے نظامِ ہاضمہ بہتر ہوتا ہے اور وزن کم کرنے میں مدد ملتی ہے۔

• ہارمونل بیلنس کے لئے مفید

تحقیقات میں یہ بتایا گیا ہے کہ سونف کی چائے کا استعمال آپ کی مجموعی صحت پر مثبت اثرات ڈالتی ہے اس میں فائٹو ایسٹروجن ہوتا ہے جو ہارمونز کا عدم توازن ٹھیک کرتا ہے اس کے علاوہ سونف کی چائے پی سی او ایس کے علاج کے لئے بہترین ڈرنک ہے۔

• ذیابطیس میں مفید

ایشیا پیسیفک جرنل آف کلینیکل نیوٹریشن میں شائع ایک تحقیق میں یہ بات سامنے آئی ہے کہ ذیابطیس کے مریضوں کے لئے سونف کی چائے کا استعمال بےحف مفید ہے اس میں کم گلیسیمیک انڈیکس ہوتا ہے اور یہ جسم میں بلڈ شوگر کی سطح کو کم کرنے کی صلاحیت رکھتی ہے۔

• گٹھیا دور کرے

سونف ان جڑی بوٹیوں میں سے ایک ہے جو اپنی اینٹی سوزش کی خصوصیات کے لیے مشہور ہے، اس میں اینٹی آکسیڈینٹس بھی ہوتے ہیں جو سوزش کی سطح کو کم کرتے ہیں اور گٹھیا کی علامات کو بہتر بنانے میں مدد کرتے ہیں اس میں ایسی خصوصیات بھی ہیں جو آسٹیو ارتھرائٹس میں مبتلا افراد کی مدد کر سکتی ہیں۔

• سونف کی چائے بنانے کا طریقہ

آدھا چائے کا چمچ سونف کے بیج ایک کپ پانی میں ڈال کر اُبالیں، اب اسے چھان لیں اور نیم گرم پی جائیں۔