اسلام تو ولاگنگ کی اجازت بھی نہیں دیتا۔۔ شگفتہ اعجاز نے وزن پر ہونے والی تنقید پر ایسا کیا جواب دیا جو ان پر ہی الٹا پڑ گیا؟

Shagufta Ejaz Breaks Silence On Weight Loss

پاکستان کی منجھی ہوئی اداکارہ شگفتہ اعجاز نے اپنے فنی سفر کی شروعات پی ٹی وی سے کی تھی اور آج بھی چھوٹی اسکرین پر وہی وقار اور مقبولیت برقرار رکھے ہوئے ہیں۔ شوبز، بزنس اور اب یوٹیوب کنٹینٹ— ہر میدان میں وہ نمایاں رہی ہیں۔ اپنی ذاتی زندگی اور تجربات بھی وہ شوق سے مداحوں کے ساتھ شیئر کرتی رہتی ہیں۔

حالیہ دنوں میں ان کی غیر معمولی کم ہوتی جسمانت نے سوشل میڈیا پر خوب بحث چھیڑ دی۔ بہت سے لوگوں نے ان کے وزن گھٹانے کو اوزیمپک کے استعمال سے جوڑ دیا، جبکہ ان کی بیٹیوں کے اسمارٹ ہونے پر بھی سوالات اٹھائے گئے۔

شگفتہ اعجاز نے آخرکار ان تمام چہ مگوئیوں کا جواب دے دیا۔ وہ ہم نیوز کے پروگرام صبح سے آگے میں مدعو ہوئیں جہاں انہوں نے کھل کر کہا کہ، انہوں نے ہرگز اوزیمپک نہیں لیا۔ ساتھ ہی انہوں نے سخت لہجے میں کہا کہ بے بنیاد خبریں پھیلانے والے چینلز کے خلاف انہیں قانونی کارروائی کرنی چاہیے۔

انہوں نے یہ بھی واضح کیا کہ ہمارا دین دوسروں کے بارے میں بدگمانی یا فضول قیاس آرائیاں کرنے سے روکتا ہے، اس لیے لوگوں کو چاہیے کہ وہ بغیر تحقیق کسی کے بارے میں رائے نہ بنائیں، نہ ہی غیر ضروری دلچسپی دکھائیں۔

لیکن ان کے بیان پر انٹرنیٹ نے دو حصوں میں بٹ کر ردِعمل دیا۔

کسی نے طنز کرتے ہوئے لکھا، اندھے نہیں ہیں ہم، اوزیمپک چہرے پر صاف نظر آرہا ہے۔

ایک اور صارف نے کہا، وہ ٹھیک کہہ رہی ہیں… اوزیمپک نہیں، مونجارو ہے۔

جبکہ ایک کمنٹ میں یوں وار کیا گیا، اسلام تو فیملی ولاگنگ سے بھی روکتا ہے، جو آپ کرتی ہیں میڈم۔