بغیر گیس اور بجلی کے بھی پانی گرم کرے گا.. سوئی گیس اور بجلی کے بناء ہی ہر وقت پانی گرم رکھنے والا یہ گیزر کون سا ہے؟

سوئی گیس کی بندش تو اب روز کا مسئلہ ہوگئی لیکن بجلی بھی تو سستی نہیں ہے۔ وہ لوگ جو بجلی سے چلنے والا گیزر لے چکے ہیں اب ہر ماہ بجلی کا دگنا بل دیکھ کر پریشان ہیں۔ اس مسئلے کے حل کے لئے آج ہم آپ کو ایسے گیزر کے بارے میں بتارہے ہیں جو نا تو بجلی لے گا نا ہی گیس۔ آئیے آپ کو بتاتے ہیں اس انوکھے گیزر کے بارے میں۔

ماحول دوست گیزر

بغیر بجلی اور گیس کے چلنے والا یہ گیزر “ماحول دوست“ گیزر ہے جو کہ سورج کی روشنی سے پانی گرم کرتا ہے اسے سولر گیزر کہتے ہیں۔ اس کا پینل چھت یا کسی ایسی کھلی جگہ لگایا جاتا ہے جو اونچی ہو اور سورج کی روشنی جذب کر کے پانی کو گرم کرے۔

کیا یہ رات میں پانی گرم کرتا ہے؟

اس پینل کے اندر لگی راڈز گرمی سے پگھلتی نہیں بلکہ حرارت کو جذب کر کے باہر نہیں آنے دیتیں جس کا نتیجہ گرم پانی کی صورت میں نکلتا ہے۔ یہ گیزر سورج کی شعاعوں سے کام کرتا ہے اس لئے یہ رات میں پانی گرم نہیں کرے گا۔ البتہ اسٹینڈ بائے سسٹم لگوانے سے سولر گیزر سے رات میں بھی گرم پانی کی سہولت مل سکتا ہے۔

سولر گیزر کی قیمت

سولر گیزر پینل کی قیمت عام گیزروں کے مقابلے میں کافی زیادہ ہے۔ اس گیزر کی قیمت کم سے کم 80 ہزار سے شروع ہوتی ہے البتہ ایک بار خرچہ کرنے سے نہ صرف ماہانہ بجلی اور گیس کے آنے والے بلوں سے محفوظ ہوجاتے ہیں بلکہ بار بار گیس اور بجلی کی تنگی کی وجہ سے گرم پانی سے محروم بھی نہیں ہونا پڑتا۔

By Khush Bakht  |   In News  |   0 Comments   |   422 Views   |   30 Jan 2023
Related Articles
Top Trending
Comments/Ask Question

Read Blog about بغیر گیس اور بجلی کے بھی پانی گرم کرے گا.. سوئی گیس اور بجلی کے بناء ہی ہر وقت پانی گرم رکھنے والا یہ گیزر کون سا ہے؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بغیر گیس اور بجلی کے بھی پانی گرم کرے گا.. سوئی گیس اور بجلی کے بناء ہی ہر وقت پانی گرم رکھنے والا یہ گیزر کون سا ہے؟) and how to utilize other natural ingredients to cure diseases, easy recipes, and other information related to food from KFoods.