کرائے کے گھر میں رہنے والے کس خوفناک بیماری کا شکار ہوجاتے ہیں.. تحقیق میں انکشاف! جانیں اس سے کیسے بچیں

"گھر کا کرایہ بھی دینا ہے، جتنا کماتا ہوں سارا تو کرایہ دینے میں لگ جاتا ہے. کچھ بچتا ہی نہیں"

سخت پریشانی میں کہے جانے والے یہ جملے تقریباً ہر اس مڈل کلاس گھرانے کا حصہ ہیں جو کراے کے گھر میں مقیم ہے۔ البتہ یہ فکر اور پریشانی کس تیزی سے موت کے منہ میں لے جاتی ہے یہ جاننے کے لئے اس آرٹیکل کو آخر تک ضرور پڑھیں۔

جرنل آف Epidemiology میں شائع شدہ تحقیق میں برطانوی ایسے شہریوں کے خون کے نمونے ٹیسٹ کیے گئے جو کہ کرائے کے گھر میں رہتے ہیں۔ نمونوں کے نتائج سے یہ حیرت انگیز انکشاف ہوا کہ کرائے کے گھروں میں رہنے والوں کی حیاتیاتی عمر میں تیزی سے اضافہ ہوتا ہے۔ یہاں تک کہ یہ عمر میں اضافہ بیروزگار رہنے کے مقابلے میں دوگنا ہے۔

کرایے کے گھر میں رہنے والے ایسے افراد جن کے لئے کرایہ ادا کرنا مشکل ہے یا ان کی زندگی میں اور بھی پریشانیاں ہیں ان پر بڑھاپا مذید تیزی سے حملہ آور ہوتا ہے جس کی وجہ سے ان کے بال سفید ہونے لگتے ہیں اور مختلف بیماریاں بھی گھیر لیتی ہیں۔

ایسے لوگ اگر اپنا مکان بنا لیں یا پھر کوئی ان کا کرایہ ادا کرنے میں مدد کردے تو ان کا بڑھاپے کی جانب بڑھنے والا سفر کم ہوسکتا ہے. اس کے علاوہ ذہنی تناؤ کو کم سے کم رکھنے والی عادات بھی اس مسئلے کو حل کرنے میں نمایاں کردار ادا کرتی ہیں