اتنی اچھی تھیں تو پہلے سے شادی شدہ آدمی سے شادی کیوں کی.. طوبی انور نے ایسا کیا کہا جو صارفین بھڑک اٹھے؟

"ضروری نہیں کہ آپ تیس سے چالیس سال تک زہریلے رشتے میں رہیں. آپ راستے جدا کر سکتے ہیں. میں یقین نہیں کر سکتی تھی کہ لوگ اتنے جھوٹ بول سکتے ہیں۔ اب، میں اپنی زندگی کے فیصلے سمجھداری سے کروں گی. مجھے احساس ہوا کہ میں بہت تکلیف میں رہ رہی تھی۔ شہرت اور پیسہ انسان کو دنیا کے سامنے بے نقاب کرتا ہے۔ میں آنے والی زندگی کی منتظر ہوں کیونکہ میرے پاس پیچھے مڑ کر دیکھنے کا وقت نہیں ہے"

یہ کہنا ہے اداکارہ طوبی انور کا جنھوں نے حال ہی میں شائستہ لودھی کے پوڈ کاسٹ میں شرکت کی. پوڈکاسٹ کا ٹیزر سامنے آتے ہی سوشل میڈیا صارفین کا سخت ردعمل سامنے آیا ہے.

ٹیزر دیکھنے کے بعد لوگوں نے نہ صرف سیدہ طوبی بلکہ شائستہ لودھی کو بھی سخت الفاظ کہنے شروع کر دیے جو ان کے مطابق ڈاکٹر عامر لیاقت حسین کی مجرم ہیں۔ شائقین کا کہنا کہ انہیں شائستہ لودھی سے یہ توقع نہیں تھی کہ وہ طوبی کو فرشتے کے روپ میں پیش کریں گی۔ ایک مداح نے لکھا کہ ’ہم ڈاکٹر عامر لیاقت حسین کو نہیں بھولے، طوبی انور انہیں کیسے بھول سکتی ہیں‘

جبکہ کچھ صارفین کا کہنا ہے کہ اگر طوبی اتنی ہی اچھی اور صاف دل خاتون تھیں تو انھوں نے پہلے سے شادی شدہ شخص کا انتخاب کیوں کیا اور کسی کا ہنستا بستا گھر کیوں اجاڑا.