بیوی کی تعریف کرنے کے فائدے جان کر فیصل قریشی نے کیا کہا؟ اہلیہ نے ویڈیو شیئر کر دی

پاکستان کے معروف شوبز اسٹار فیصل قریشی اور انکی اہلیہ سوشل میڈیا پر اکثر و بیشتر اپنی ویڈیوز اپ لوڈ کرتے ہیں، جس سے ان کے مداح ان کے ساتھ جڑے رہتے ہیں۔

حال ہی میں ثناء فیصل نے اپنی اور فیصل قریشی کی ایک مزاحیہ ویڈیو انسٹاگرام پر پوسٹ کی جس میں وہ اپنے شوہر کو بیوی کی تعریف کرنے کے فائدے بتا رہی ہیں۔

ویڈیو میں ثنا فیصل نے شوہر سے مخاطب ہوکر بولا، ”آپ کو پتہ ہے کہ آج ٹی وی پر بتا رہے تھے کہ اگر شوہر دن میں 2 سے 3 دفعہ اپنی بیگم کی تعریف کرے تو وہ عورت کبھی بھی ڈپریشن میں نہیں جاتی“۔

جس پر فیصل قریشی نے بیوی کا مذاق اڑاتے ہوئے جواب دیا کہ، ”تو بندہ پھر جھوٹ بول بول کر بھلے دوزخ میں چلا جائے؟“۔

دونوں میاں بیوی کی اس مزاحیہ ویڈیو کو ان کے چاہنے والے بہت پسند کر رہے ہیں اوراس پر لائکس اور کمنٹس کا سلسلہ بھی جاری ہے۔

ایک صارف نے فیصل قریشی کو مشورہ دیتے ہوئے کہا کہ، ”بیوی کو خوش کرنے کے لئے جھوٹ بولنا جائز ہے۔۔ شوہر اس سے دوزخ میں نہیں جائے گا “۔

ایک صارف نے مذاق میں پوچھا کہ، اس ویڈیو کے بعد فیصل بھائی ٹھیک تو ہیں ناں؟"