پہلے میری بیوی ماڈرن کپڑے پہنتی تھی اور اب۔۔ احمد علی بٹ کو بیوی کے اچانک حجاب کا فیصلہ کیسا لگا؟ دیکھیں

ہمارے یہاں کم کپڑوں کو پہنا فیشن سمجھا جاتا ہے یا اسے ماڈرن ہونا اور اچھا مانا جاتا ہے لیکن بیوی کا یوں اچانک حجاب لینا ایک اچھا عمل ہے۔ جب میں نے شادی کی اس وقت فاطمہ کم کارڈیشین تھی، فیشن بھی اسی طرح کا کرتی تھی، جب شادی کے بعد ہم پاکستان منتقل ہوئے تو انہوں نے دین کا مطالعہ کرنا شروع کیا پھر مجھے ڈوپٹہ لینے کی خواہش کا اظہار کیا تو میں نے بھی اجازت دے دی کہ مرضی ہے جس پر فاطمہ حیران رہ گئی کہ مجھے کوئی مسئلہ نہیں ہے“

یہ کہنا ہے اداکار، گلوکار اور اب مشہور میزبان احمد علی بٹ کا جنھوں نے حال ہی میں ایک پوڈکاسٹ میں شرکت کی اور اپنی نجی زندگی اور اہلیہ کے حوالے سے بھی کافی باتیں کیں۔

احمد علی بٹ کا کہنا تھا کہ حجاب کا فیصلہ ان کی بیوی فاطمہ کا اپنا فیصلہ ہے۔ وہ ایک ماڈرن خاتون ہیں نہ صرف لباس سے بلکہ اپنی سوچ سے بھی اور وہ مجھ سے زیادہ روحانی سوچ کی مالک ہیں۔

شادی شدہ زندگی کے بارے میں احمد علی بٹ کا کہنا ہے کہ شادی کا مطلب کسی پر حدود لگا کر قائل کرنا نہیں ہوتا۔ بلکہ دوستی اور عزت و احترام رہے تو سارے مسئلے آسانی سے حل ہوجاتے ہیں۔