اقراء کنول ماں بن گئیں! اریب کی کون سی خواہش پوری ہوگئی؟ اقراء نے جذباتی پوسٹ شئیر کر دی

Sistrology Fame Iqra Kanwal Blessed With A Baby Girl

مشہور یوٹیوبر اور سوشل میڈیا اسٹار اقراء کنول نے ایک نئی اور خوشی سے بھری خبر اپنے چاہنے والوں کے ساتھ بانٹ دی ہے۔ اپنی روزمرہ وی لاگز کے باعث پہلے ہی مداحوں کے دلوں میں خاص جگہ رکھتی ہیں۔

حال ہی میں انہوں نے اسپتال جاتے ہوئے سب سے دعاؤں کی درخواست کی تھی، اور اب اپنے مداحوں کو خوشخبری دے دی۔

گزشتہ روز اقراء کنول اور ان کے شوہر اریب پرویز پہلی بار والدین بنے، اللہ نے انہیں ایک ننھی پری سے نوازا ہے۔ اس موقع پر اقراء نے اپنے جذبات کو بیان کرتے ہوئے لکھا؛

"ہمارے جیون کی سب سے قیمتی نعمت ہمیں آج ملی ہے — ہماری بیٹی۔ جب پہلی بار اپنی گود میں اسے تھاما تو الفاظ ساتھ چھوڑ گئے، دل کی کیفیت کو بیان کرنا ممکن ہی نہیں۔ اریب کی سب سے بڑی خواہش تھی کہ ہماری پہلی اولاد بیٹی ہو، اور اللہ تعالیٰ نے یہ دعا اتنے حسین انداز میں قبول کر لی۔ الحمدللہ۔"

مداح اقراء کنول، اریب پرویز اور ان کی ننھی شہزادی کے لیے نیک تمناؤں اور دعاؤں کا اظہار کر رہے ہیں۔ سوشل میڈیا سے جڑی مشہور شخصیات بھی اقراء اور اریب کی بیٹی کی آمد پر خوشی کا اظہار کر رہی ہیں۔ کئی لوگوں نے کہا کہ اریب کو بطور والد جذباتی دیکھ کر وہ خود بھی آبدیدہ ہوگئے۔