صحت کا خزانہ شریفہ ۔۔ جانیئے شریفے کے ایسے حیرت انگیز طبی فوائد جو جان کر آپ بھی اسے کھانے پر مجبور ہو جائیں گے

شریفہ گرمیوں کا پھل ہے جو کہ پوٹاشیم اور سوڈیم سے بھرپور اور جسم میں بلڈ پریشر کے اتار چڑھاؤ کو کنٹرول کرنے میں مدد کرتا ہے، شریفے کو اگر صحت کا خزانہ کہا جائے تو غلط نہیں ہوگا۔
آج ہم آپ کو بتائیں گے شریفے کے وہ حیرت انگیز طبی فوائد جن کو جاننے کے بعد آپ اس کا استعمال شروع کر دیں گے، اس چھوٹے سے پھل میں قدرت نے بے شمار فوائد چُھپا رکھے ہیں کہ یہ پھل اپنے اندر صحت کا خزانہ سموئے ہوئے آیئے جانتے ہیں شریفے کے چند فوائد۔

شریفے کے صحت سے متعلق چند حیرت انگیز فوائد

• شریفے میں موجود غذائیت

شریفہ ان چند پھلوں میں سے ایک ہے جس میں پوٹاشیم اور سوڈیم کا ایک متوازن تناسب ہوتا ہے اس کے علاوہ اس میں اینٹی آکسیڈنٹس، وٹامن سی، بی6، کیلشیم، میگنیشم اور آئرن بھی پایا جاتا ہے شریفے میں موجود میگنیشیم کی وافر مقدار دل کے پٹھوں کو آرام دیتی ہے جس کی وجہ سے فالج اور دل کا دورہ پڑنے کا خطرہ کم ہوسکتا ہے۔

• کولیسڑول میں مفید

شریفے میں موجود فائبر خراب کولیسٹرول کو کم کرنے میں مدد دیتے ہے جبکہ جسم میں اچھے کولیسٹرول کو بڑھاتا ہے اس کا استعمال دل سے متعلق امراض سے دور رکھنے میں مدد دیتا ہے۔

• آنکھوں کے لئے مفید

شریفے میں وٹامن سی اور ربوفلاوین کی وافر مقدار موجود ہوتی ہے یہ دو ایسے انتہائی ضروری غذائی اجزاء ہیں جو آنکھوں کو صحت مند رکھنے کے لیے بےحد ضروری ہیں موبائل فون، کمپیوٹر وغیرہ زیادہ استعمال کرنے کی وجہ سے ہماری آنکھوں کو نقصان پہنچتا ہے اور بڑھتی عمر کے ساتھ، کمزور بینائی ایک عام مسئلہ ہے ایسے میں آنکھوں کی صحت کا خیال رکھنا بےحد ضروری ہے شریفے میں موجود ضروری غذائی اجزاء آپ کی آنکھوں کو خشک ہونے سے روکتے ہیں تاکہ انہیں مناسب طریقے سے کام کرسکیں۔

• کینسر میں مفید

شریفے میں فلیوونائڈز کی وافر مقدار کی وجہ سے یہ یومر اور کینسر کے علاج میں مددگار ثابت ہوتے ہیں شریفے میں الکلائڈز اور ایسیٹوجنن جیسے عناصر بھی ہوتے ہیں جو کینسر کے خطرے کو کم کرنے کے لیے بہترین سمجھے جاتے ہیں۔ شریفے میں موجود اینٹی آکسیڈنٹس کینسر پیدا کرنے والے خلیوں کے خلاف کام کرتے ہیں اور اس میں موجود بلٹاسین اور اسیمیکن دو اینٹی آکسیڈینٹ مرکبات ہیں جن میں اینٹی ہیلمینتھ اور اینٹی کینسر خصوصیات ہوتی ہیں یہ دونوں مرکبات آزاد ریڈیکلز کے اثرات کا مقابلہ کرنے میں مدد کرتے ہیں اور اس طرح ہم کینسر سے محفوظ رہتے ہیں۔

• درد اور سوزش دور کرنے کے لئے مفید

شریفہ ایک ایسا پھل ہے جو سوزش کی بیماریوں اور درد میں مبتلا لوگوں کے لئے بےحد فائدے مند ہے اس پھل میں موجود اینٹی آکسیڈنٹس درد کو روکنے میں مدد کرتے ہیں صرف یہ پھل ہی نہیں بلکہ اس کے پتے بھی فوائد کے اعتبار سے کسی سے پیچھے نہیں ہ اس کے پتے بھی اینٹی سوزش خصوصیات سے مالا مال ہوتے ہیں۔

• ذہنی تناؤ سے نجات

اس پھل کے حیرت انگیز فوائد میں ایک یہ بھی شامل ہے کہ شریفہ ذہنی تناؤ سے نمٹنے کے لئے بہترین پھل ہے اس میں وٹامن بی 6 پایا جاتا ہے جس کی کمی چڑچڑے پَن کا بھی باعث بنتی ہے، لہٰذا اس پھل کا استعمال ڈیپریشن اور تناؤ دُور کرتا ہے اور دماغ کو پُرسکون بناتا ہے۔

By Sadia    |    In Health and Fitness   |    0 Comments    |    757 Views    |    24 Sep 2021

Related Articles

Comments/Ask Question

Read Blog about صحت کا خزانہ شریفہ ۔۔ جانیئے شریفے کے ایسے حیرت انگیز طبی فوائد جو جان کر آپ بھی اسے کھانے پر مجبور ہو جائیں گے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (صحت کا خزانہ شریفہ ۔۔ جانیئے شریفے کے ایسے حیرت انگیز طبی فوائد جو جان کر آپ بھی اسے کھانے پر مجبور ہو جائیں گے) and how to utilize other natural ingredients to cure diseases, easy recipes, and other information related to food from KFoods.