انور مقصود کی پوتی کا نکاح۔۔ بلال مقصود نے تقریب کی تصاویر شیئر کر دیں! دلہا کون ہے؟ دیکھیں

Bilal Maqsood Ki Beti Ke Nikkah Ki Pictures Or Videos

پاکستان کے نامور کہانی کار اور طنز و مزاح کے بے تاج بادشاہ انور مقصود کے گھر خوشیوں نے ڈیرے ڈال دیے، جہاں ان کی پوتی رشتۂ ازدواج میں منسلک ہوگئیں۔ اس خوشگوار موقع کی جھلک سوشل میڈیا پر اس وقت سامنے آئی جب انور مقصود کے صاحبزادے بلال مقصود نے ایک دل موہ لینے والی تصویر شیئر کی۔

انسٹاگرام پر پوسٹ کی گئی تصویر میں بلال مقصود اپنے والد اور دونوں بیٹوں کے ہمراہ دکھائی دے رہے ہیں، جبکہ کیپشن میں انہوں نے اس یادگار لمحے کو الفاظ میں سمیٹتے ہوئے بتایا کہ، یہ تصویر ان کی بیٹی کے نکاح کے موقع پر لی گئی ہے۔ سب نے ہم رنگ لباس زیب تن کر رکھا ہے جو نہ صرف خوبصورتی میں اضافہ کر رہا ہے بلکہ خاندانی ہم آہنگی کا خوبصورت عکس بھی پیش کرتا ہے۔

یہ تصویر دیکھتے ہی دیکھتے سوشل میڈیا پر وائرل ہوگئی، جہاں صارفین کی جانب سے دل کھول کر پسندیدگی کا اظہار کیا جا رہا ہے۔ مداح بلال مقصود کی بیٹی کے لیے نیک خواہشات اور دعاؤں کے پیغامات بھیج رہے ہیں اور انور مقصود کے گھر آنے والی اس نئی خوشی پر مبارکبادوں کا تانتا بندھ گیا ہے۔