اکلوتی بیٹی کی رخصتی پر بھی باپ نہ آیا ۔۔ جویریہ سے طلاق ہوئی، بیٹی تو اپنی پھر بھی اداکار شمعون اس کی شادی میں کیوں شریک نہ ہوئے؟

اداکار شمعون عباسی اور جویریہ عباسی کی صاحبزادی اداکارہ عنزیلہ عباسی کی شادی حال ہی میں ہوئی جس میں جویریہ نے خود کو ایک ماں اور ایک بہترن دوست کے طور پر ثابت کیا۔ ویڈیوز جب سوشل میڈیا پر وائرل ہوئیں تو لوگوں نے جویریہ کی خوب تعریف کی کہ بیٹی سے زیادہ تو خوبصورت ماں لگ رہی ہے۔ کسی بھی single parent کے لیے یہ ایک بڑا اہم موقع ہوتا ہے جبکہ وہ اکیلے ہی بچے کی پرورش کرے، اس کو پڑھائے لکھائے، اگے بڑھائے اور پھر جب بات شادی کی ہو تو اس کام میں بھی آگے سے آگے ہر انتظام بہتر سے بہتر کرے۔ جیسا کہ جویریہ اس وقت کر رہی ہیں۔

شادی اور ولیمے کی تقریب میں شوبز انڈسٹری سے وابستہ مختلف شخصیات جن میں انوشے عباسی، عدنان جیلانی، شہود علوی، غزالہ جاوید، اشنا شاہ سمیت دیگر نے بھی بھرپور شرکت کی۔ لیکن بیٹی کی شادی میں باپ نے کیوں شرکت نہ کی۔ لوگوں نے سوال کیا کہ طلاق تو جویریہ سے ہوئی لیکن شمعون کی بیٹی تو اپنی ہے جس پر اداکار کی بہن کی جانب سے یہ مؤقف دیا گیا کہ حال ہی میں شمعون کا ایکسڈنٹ ہوا ہے اور یہی وجہ سے کہ وہ شادی میں شرکت نہ کر سکے لیکن وہیں شمعون کا ایک ڈیلیٹ شدہ پوسٹ کا اسکرین شاٹ بھی سوشل میڈیا پر تیزی سے وائرل ہو رہا ہے۔

پوسٹ میں شمعون نے لکھا کہ چند بے شرم لوگوں سے اپنے تعلقات توڑنے کی یاد دہانی کروا رہا ہوں، میں نہ کبھی ایسے بے حیا، بے غیرت اور بے شرم لوگوں سے کوئی تعلق رکھنا چاہتا تھا اور نہ ہی کبھی ایسا کروں گا۔ مجھے فرق نہیں پڑتا کہ میرا ان سے کیا تعلق ہے مگر میری مرضی ایسے افراد سے دوری اختیار کرنے میں ہی ہے، کچھ جسمانی زخم آپ کی روح کو تکلیف پہنچانے سے بچا لیتے ہیں، اللّٰہ اکبر۔