50 سال کے بعد عورت زیادہ جوان ہو جاتی ہے ۔۔ گلوکارہ شاہدہ منی نے اپنی فٹنس اور پردے دار گھرانے سے متعلق کیا کچھ بتایا؟

Shahida Mini Fitness And Beauty Secrets

پاکستانی معروف گلوکارہ و اداکارہ شاہدہ منی کا کہنا ہے کہ خواتین 30 برس کی ہوتی ہیں تو جوان، 40 کے بعد مزید جوان اور جب 50 سال کراس کرتی ہیں تو اور بھی زیادہ جوان ہو جاتی ہیں۔ پاکستانی گلوکارہ شاہدہ منی نے حالیہ انٹریو میں اپنی عمر کا انکشاف کر کے سوشل میڈیا پر ٹرولرز کی توپوں کا رخ اپنی جانب کر لیا۔ سوشل میڈیا پر گردش کرنے والی ایک ویڈیو میں گلوکارہ کو نجی چینل کے لیے انٹرویو دیتے ہوئے دیکھا و سنا جا سکتا ہے۔ دورانِ پروگرام میزبان نے فنکارہ کی تعریف کی تو انہوں نے شکریہ ادا کرتے ہوئے انکشاف کیا کہ وہ ابھی چالیس پلس ہیں۔ شاہدہ منی نے کہا کہ خواتین 30 برس کی ہوتی ہیں تو جوان ہوتی ہیں، چالیس کے بعد مزید جوان ہو جاتی ہیں اور جب 50 سال کراس کرتی ہیں تو اور بھی زیادہ جوان ہو جاتی ہیں، عورت کی خوبصورتی عمر کے ساتھ ساتھ بڑھتی جاتی ہے۔

انہوں نے اپنی عمر کے بارے میں بات کرتے ہوئے کہا کہ میں 40 پلس ہوں، ماشاء اللّٰہ، الحمدللّٰہ، لوگ اپنی عمر نہیں بتاتے لیکن میں خوش قسمت ہوں کہ بوڑھی نظر نہیں آتی۔

شاہدہ منی نے اپنی خوبصورتی کا راز اپنے دل کو کہا ہے کیونکہ ان کے مطابق دل جوان ہونا چاہیے، انسان خود بخود جوان رہتا ہے اور یہی بڑھتی عمر کے اثرات کو بھی ڈھال دیتا ہے۔ انہوں نے بتایا کہ میں اپنے والدین کی اکلوتی اولاد تھی لیکن پھر بھی ان سے اپنی باتیں شیئر نہیں کرتی تھی، مگر اب میں اپنے بچوں کی دوست زیادہ ہوں۔ میرا گھرانہ بہت پردہ دار تھا، گھر سے باہر بناء چہرہ ڈھانپے کوئی نہ نکلتا تھا لیکن میں نے اپنے فن کو آگے بڑھایا اور اس دوڑ پر چل پڑی۔