سادگی سے نکاح اور حق مہر میں فجر کی نماز ۔۔ یسریٰ رضوی کی شادی آج بھی سب سے زیادہ منفرد اور اعلیٰ مثال کیوں ہے؟

آج کل شادی کے فریضے کو سب سے زیادہ مہنگا اور غریب والدین کی پہنچ سے دور کردیا گیا ہے۔ جب تک مہنگے ہال کے پیسے جمع نہیں ہوتے، گھر میں ضرورت کی ہر چیز دینے کی استطاعت نہیں ہوتی، سسرال والوں کے کپڑے یا لاکھ روپے حق مہر میں دینے کے لئے نہ ہوں والدین شادی کے نام سے صرف ڈرتے ہیں اور پریشان ہوتے ہیں کہ کیسے اتنی دولت جمع کریں چاہے وہ لڑکی کے ہوں یا لڑکے کے بس جہیز اور اخراجات سے خوف کھا جاتے ہیں۔

مگر اداکارہ یسریٰ رضوی کی شادی ان تمام ڈر و خوف سے بالاتر ہے۔ ان کی شادی پاکستانی معاشرے کے لیے ایک شاندار مثال ہے جس میں نہ جہیز کی فکر و پروہ اور نہ لاکھوں کے حق مہر کی، جس کی سب سے سادی شادی تھی اور آج تک کسی اداکارہ نے اس طرح شاید ہی کیا ہو۔

ان کی شادی کا سب سے زیادہ حسین حصہ ان کا حق مہر ہے جوکہ انہوں نے ام سلیم بنت ملحان جوکہ صحابی انس بن مالک کی والدہ تھیں ان کے حق مہر سے متاثر ہو کر رکھا تھا۔ اداکارہ نے اپنے حق مہر میں شوہر سے فجر کی مانگی اور ان کے شوہر نے اس پر سب کے سامنے رضامندی کا اظہار کیا وہیں دونوں نے سادگی سے نکاح کیا۔ ان کی شادی کی ایک اور سب سے زیادہ مثبت پیغام دینے والی بات یہ تھی کہ بیوی شوہر سے عمر میں بڑی تھی جبکہ آج کل تو لڑکی کی عمر لڑکے سے زیادہ ہو تو لوگ باتیں بنانا بند نہیں کرتے ۔

جس طرح یسریٰ نے شادی کی اور خود کو نہ صرف ایک اچھی بیوی، ایک اچھی اداکارہ ایک اچھی ماں اور معاشرے کا ایک بہترین فرد ثابت کیا ایسی مثالیں ہمیں اپنے اردگرد بہت کم ملتی ہیں۔ وہیں اگر ہم اپنی ذاتی زندگی پر توجہ دیں اور یہ غور کریں کہ لاکھوں روپیوں کی مہنگی شادیوں کی وجہ سے کتنے ہی غریب والدین پریشان ہیں، ہزاروں جوان لڑکیاں گھروں کو بیٹھی ہیں، حق مہر زیادہ رکھنے کی شرط کی وجہ سے کتنے ہی لڑکے پریشان ہیں، لڑکیوں کی عمریں نکلتی جا رہی ہیں والدین پریشانی میں مبتلا ہو رہے ہیں۔ ہر جگہ نفسا نفسی کا دور ہے۔ کوئی بیٹی کی شادی کو لے کر پریشان ہے تو کوئی بیٹے کا گھر بنانے کیلئے۔

ان حالات میں لڑکیوں کو بھی سوچا چاہیے کہ اگر وہ آپ کی شادی کروا رہے ہیں تو خود سے بے جا ضرورتوں کو ان کے سامنے نہ رکھیں، بہت مہنگی تقاریب کرنے کا نہ کہیں، سادگی سے دوسرے کو پسند کریں اور مسجد میں نکاح کرنے کے رواج کو عام کرنے کی کوشش کریں کیونکہ جتنا سکون خُدا کے گھر میں ہے وہ شاید کسی دورسی چیز میں ہو۔

آج ان کی شادی کو 5 سال ہونے والے ہیں اور اب ان کا ایک بیٹا بھی ہے اور یہ دونوں ایک ساتھ پُرمسرت زندگی گزار رہے ہیں۔